ਜੋਹਾਨ ਬੋਥਾ ਨੇ ਕ੍ਰਿਕਟ ਤੋਂ ਲਈ ਵਿਦਾਈ

ਹੋਬਰਟ – ਦੱਖਣੀ ਅਫਰੀਕਾ ਦੇ ਸਾਬਕਾ ਹਰਫ਼ਨਮੌਲਾ ਕ੍ਰਿਕਟ ਖਿਡਾਰੀ ਜੋਹਾਨ ਬੋਥਾ ਨੇ ਕ੍ਰਿਕਟ ਦੇ ਸਾਰੇ ਰੂਪਾਂ ਤੋਂ ਵਿਦਾਇਗੀ ਲੈਣ ਦਾ ਐਲਾਨ ਕਰ ਦਿੱਤਾ ਹੈ। ਬੋਥਾ ਦੀ ਆਸਟਰੇਲਿਆਈ ਟੀ-20 ਲੀਗ ਟੀਮ ਹੋਬਰਟ ਹਰੀਕੇਨਜ਼ ਨੇ ਬੁੱਧਵਾਰ ਰਾਤ ਨੂੰ ਇਸ ਦਾ ਐਲਾਨ ਕੀਤਾ ਹੈ। ਇਸ ਐਲਾਨ ਅਨੁਸਾਰ ਬੋਥਾ ਨੇ ਸਰੀਰਕ ਥਕਾਵਟ ਹੋਣਾ ਕ੍ਰਿਕਟ ਤੋਂ ਵਿਦਾਈ ਪਿੱਛੇ ਕਾਰਨ ਦੱਸਿਆ ਹੈ।ਦੱਖਣੀ ਅਫਰੀਕਾ ਦੇ ਲਈ ਬੋਥਾ ਨੇ 2005 ਤੋਂ 2012 ਤੱਕ ਪੰਜ ਟੈਸਟ, 78 ਇੱਕ ਰੋਜ਼ਾ ਤੇ 40 ਟਵੰਟੀ-20 ਮੈਚ ਖੇਡੇ ਹਨ।