ਟੀ-20 ਦੀ ਤਿਆਰੀ ਲਈ ਆਈਪੀਐੱਲ ਸਹੀ: ਕੋਹਲੀ

ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੇ ਅੱਜ ਕਿਹਾ ਕਿ ਉਨ੍ਹਾਂ ਦੀ ਟੀਮ ਨਿਊਜ਼ੀਲੈਂਡ ਖ਼ਿਲਾਫ਼ ਇੱਕ-ਰੋਜ਼ਾ ਲੜੀ ਤੋਂ ਟੀ-20 ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਮਜ਼ਬੂਤ ਕਰਨ ਦੀ ਯੋਜਨਾ ਨਹੀਂ ਬਣਾ ਰਹੀ ਕਿਉਂਕਿ ਅਗਲਾ ਆਈਪੀਐੱਲ ਉਸ ਲਈ ਢੁੱਕਵਾਂ ਮੰਚ ਹੈ। ਮੁੱਖ ਕੋਚ ਰਵੀ ਸ਼ਾਸਤਰੀ ਨੇ ਹਾਲਾਂਕਿ ਪਿਛਲੇ ਮਹੀਨੇ ਕਿਹਾ ਸੀ ਕਿ ਨਿਊਜ਼ੀਲੈਂਡ ਤੇ ਦੱਖਦੀ ਅਫਰੀਕਾ (ਮਾਰਚ ਵਿੱਚ) ਖ਼ਿਲਾਫ਼ ਇੱਕਰੋਜ਼ਾ ਲੜੀ ਦੀ ਵਰਤੋਂ ਭਾਰਤੀ ਟੀਮ ਅਕਤੂਬਰ-ਨਵੰਬਰ ’ਚ ਆਸਟਰੇਲੀਆ ’ਚ ਹੋਣ ਵਾਲੀ ਟੀ-20 ਵਿਸ਼ਵ ਕੱਪ ਦੀਆਂ ਤਿਆਰੀਆਂ ਵਜੋਂ ਕਰੇਗੀ। ਕੋਹਲੀ ਕਿਹਾ, ‘ਅਸੀਂ ਪਹਿਲਾਂ ਹੀ ਪੰਜ ਟੀ-20 ਮੈਚ ਖੇਡ ਚੁੱਕੇ ਹਾਂ। ਅਜਿਹਾ ਨਹੀਂ ਹੈ ਕਿ ਸਾਡੇ ਕੋਲ ਟੀ-20 ਦੇ ਪੂਰੇ ਮੈਚ ਨਹੀਂ ਹਨ। ਸਾਡੇ ਕੋਲ ਆਈਪੀਐੱਲ ਵੀ ਹੈ ਅਤੇ ਇਹ ਡੇਢ ਮਹੀਨਾ ਚੱਲੇਗਾ। ਉਸ ਦੀ ਵਰਤੋਂ ਅਸੀਂ ਤਿਆਰੀਆਂ ਵਜੋਂ ਕਰਾਂਗੇ।