ਥਲਾਈਵਾਸ ਦਾ ਜਿੱਤ ਨਾਲ ਆਗਾਜ਼

ਨਵੀਂ ਦਿੱਲੀ – ਸਾਬਕਾ ਚੈਂਪੀਅਨ ਪਟਨਾ ਪਾਈਰੇਟਸ ਨੂੰ ਪ੍ਰੋ ਕਬੱਡੀ ਲੀਗ ਦੇ ਸ਼ੁਰੂਆਤੀ ਮੈਚ ‘ਚ ਤਮਿਲ ਥਲਾਈਵਾਸ ਤੋਂ 26-42 ਨਾਲ ਕਰਾਰੀ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਕਪਤਾਨ ਅਜੇ ਠਾਕੁਰ ਨੇ ਤਮਿਲ ਥਲਾਈਵਾਸ ਦੇ ਲਈ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ 14 ਅੰਕ ਜੁਟਾਕੇ ਟੀਮ ਦੀ ਜਿੱਤ ‘ਚ ਅਹਿਮ ਭੂਮਿਕਾ ਅਦਾ ਕੀਤੀ। ਤਮਿਲ ਨੇ ਬਿਹਤਰੀਨ ਖੇਡ ਦਾ ਪ੍ਰਦਰਸ਼ਨ ਕੀਤਾ ਅਤੇ ਪਹਿਲੇ ਹਾਫ ‘ਚ 26-8 ਦੀ ਵਿਸ਼ਾਲ ਬੜ੍ਹਤ ਹਾਸਲ ਕਰ ਲਈ। ਪਟਨਾ ਦੀ ਟੀਮ ਸ਼ੁਰੂ ਤੋਂ ਹੀ ਨਹੀਂ ਸੰਭਲ ਸਕੀ ਅਤੇ 22ਵੇਂ ਮਿੰਟ ਤੱਕ ਉਸ ਨੂੰ ਤਿੰਨ ਵਾਰ ਆਲਆਊਟ ਦਾ ਸਾਹਮਣਾ ਕਰਨਾ ਪਿਆ। ਪਟਨਾ ਦਾ ਡਿਫੈਂਸ ਕਾਫੀ ਖਰਾਬ ਰਿਹਾ ਅਤੇ ਇਸ ਕਾਰਨ ਉਸ ਨੂੰ ਹਾਰ ਝਲਣੀ ਪਈ।