ਦਿੱਲੀ ਵਿੱਚ ਹਵਾ ਹੀ ਨਹੀਂ ਪਾਣੀ ਵੀ ਹੱਦ ਤੋਂ ਵੱਧ ਪ੍ਰਦੂਸ਼ਿਤ

ਨਵੀਂ ਦਿੱਲੀ – ਕੇਂਦਰੀ ਖਪਤਕਾਰ ਮਾਮਲੇ, ਖੁਰਾਕ ਅਤੇ ਜਨਤਕ ਵੰਡ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਅੱਜ ਦਿੱਲੀ ਸਮੇਤ ਦੇਸ਼ ਭਰ ਦੇ 21 ਵੱਡੇ ਸੂਬਿਆਂ ਵਿੱਚ ਪੀਣ ਵਾਲੇ ਪਾਣੀ ਦੀ ਜਾਂਚ ਰਿਪੋਰਟ ਜਾਰੀ ਕੀਤੀ ਹੈ| ਰਿਪੋਰਟ ਮੁਤਾਬਕ ਮੁੰਬਈ ਦਾ ਪਾਣੀ ਸਭ ਤੋਂ ਵਧੀਆ ਅਤੇ ਦਿੱਲੀ ਦਾ ਪਾਣੀ ਸਭ ਤੋਂ ਖਰਾਬ ਦੱਸਿਆ ਜਾ ਰਿਹਾ ਹੈ| ਪਾਣੀ ਦੀ ਗੁਣਵੱਤਾ ਦੀ ਜਾਂਚ 10 ਮਾਪਦੰਡਾਂ ਤੇ ਕੀਤੀ ਗਈ ਸੀ|ਇਸ ਸੂਚੀ ਵਿੱਚ ਪਹਿਲੇ ਸਥਾਨ ਤੇ ਮੁੰਬਈ, ਦੂਜੇ ਸਥਾਨ ਹੈਦਰਾਬਾਦ, ਤੀਜੇ ਸਥਾਨ ਭੁਵਨੇਸ਼ਵਰ, ਚੌਥੇ ਸਥਾਨ ਤੇ ਰਾਂਚੀ, ਪੰਜਵੇਂ ਸਥਾਨ ਤੇ ਰਾਏਪੁਰ, ਛੇਵੇਂ ਸਥਾਨ ਤੇ ਅਮਰਾਵਤੀ, ਸਤਵੇਂ ਸਥਾਨ ਤੇ ਸ਼ਿਮਲਾ, ਅੱਠਵੇਂ ਤੇ ਚੰਡੀਗੜ੍ਹ, ਨੌਵੇਂ ਸਥਾਨ ਤੇ ਤ੍ਰਿਵੇਂਦਰਮ, ਦਸਵੇਂ ਸਥਾਨ ਤੇ ਪਟਨਾ, ਗਿਆਰਵੇਂ ਸਥਾਨ ਤੇ ਭੋਪਾਲ, ਬਾਰਵੇਂ ਸਥਾਨ ਤੇ ਗੁਵਾਹਾਟੀ, ਤੇਰਵੇਂ ਸਥਾਨ ਤੇ ਬੈਂਗਲੁਰੂ, ਚੌਦਵੇਂ ਸਥਾਨ ਤੇ ਗਾਂਧੀਨਗਰ, ਪੰਦਰਵੇਂ ਸਥਾਨ ਤੇ ਲਖਨਊ, ਸੋਲਵੇਂ ਸਥਾਨ ਤੇ ਜੰਮੂ, ਸਤਾਰਵੇਂ ਸਥਾਨ ਤੇ ਜੈਪੁਰ, ਅਠਾਰਵੇਂ ਸਥਾਨ ਤੇ ਦੇਹਰਾਦੂਨ, ਉਨੀਵੇਂ ਸਥਾਨ ਤੇ ਚੇਨਈ, ਵੀਹਵੇਂ ਸਥਾਨ ਤੇ ਕੋਲਕਾਤਾ ਅਤੇ ਇਕੀਵੇਂ ਸਥਾਨ ਤੇ ਦਿੱਲੀ ਹੈ|