ਨਾਸਾ ਨੇ ਬਰਫ ਦੇ ਪਿਘਲਣ ਦਾ ਪਤਾ ਲਗਾਉਣ ਲਈ ਪੁਲਾੜ ‘ਚ ਭੇਜਿਆ ਲੇਜ਼ਰ ਸੈਟੇਲਾਈਟ

ਲਾਸ ਏਂਜਲਸ – ਅਮਰੀਕੀ ਪੁਲਾੜ ਏਂਜਸੀ ਨਾਸਾ ਨੇ ਵਿਸ਼ਵ ‘ਚ ਬਰਫ ਦੇ ਪਿਘਲਣ ਦਾ ਪਤਾ ਲਗਾਉਣ ਤੇ ਜਲਵਾਯੂ ਦੇ ਗਰਮ ਹੋਣ ਦੇ ਕਾਰਨ ਵਧਦੇ ਸਮੁੰਦਰ ਪੱਧਰ ਦੇ ਪੂਰਵ ਅਨੁਮਾਨ ‘ਚ ਸੁਧਾਰ ਲਈ ਸ਼ਨੀਵਾਰ ਨੂੰ ਇਕ ਤਕਨੀਕੀ ਪੁਲਾੜ ਲੇਜ਼ਰ ਉਪਗ੍ਰਹਿ ਨੂੰ ਲਾਂਚ ਕੀਤਾ। ਆਈਸਸੈਟ-2 ਨਾਂ ਦਾ ਇਕ ਅਰਬ ਡਾਲਰ ਦੀ ਲਾਗਤ ਵਾਲਾ ਇਹ ਉਪਗ੍ਰਹਿ ਸਥਾਨਕ ਸਮੇਂ ਮੁਤਾਬਕ ਸਵੇਰੇ 6:02 ‘ਤੇ ਰਵਾਨਾ ਹੋਇਆ। ਇਸ ਨੂੰ ਕੈਲੀਫੋਰਨੀਆ ਦੇ ਵੈਂਡੇਨਬਰਗ ਹਵਾਈ ਫੌਜ ਸਟੇਸ਼ਨ ਤੋਂ ਡੇਲਟਾ-2 ਰਾਕਟ ਦੇ ਜ਼ਰੀਏ ਲਾਂਚ ਕੀਤਾ ਗਿਆ। ਨਾਸਾ ਟੈਲੀਵਿਜ਼ਨ ‘ਤੇ ਲਾਂਚ ਨੂੰ ਪੇਸ਼ ਕਰਨ ਵਾਲੇ ਨੇ ਕਿਹਾ, ”3,2,1 ਰਵਾਨਾ।” ਸਾਡੇ ਲਗਾਤਾਰ ਬਦਲਦੇ ਗ੍ਰਹਿ ‘ਤੇ ਧੂਰਵੀ ਬਰਫ ਦੀ ਚਾਦਰ ਨਾਲ ਸਬੰਧਿਤ ਰਿਸਰਚ ਲਈ ਆਈਸਸੈਟ ਸਾਲ 2003 ‘ਚ ਲਾਂਚ ਕੀਤਾ ਗਿਆ ਸੀ ਤੇ 2009 ‘ਚ ਇਹ ਖਤਮ ਹੋ ਗਿਆ ਸੀ। ਪਹਿਲੇ ਆਈਸਸੈਟ ਮਿਸ਼ਨ ਨੇ ਖੁਲਾਸਾ ਕੀਤਾ ਸੀ ਕਿ ਸਮੁੰਦਰੀ ਬਰਫ ਦੀ ਸਤਾਹ ਪਤਲੀ ਹੋ ਰਹੀ ਹੈ ਤੇ ਗ੍ਰੀਨਲੈਂਡ ਤੇ ਅੰਟਾਕਰਟੀਕਾ ‘ਚ ਬਰਫ ਖਤਮ ਹੋ ਰਹੀ ਹੈ।