ਪੇਰੂ ਵਿੱਚ 2 ਟਨ ਕੋਕੀਨ ਲਿਜਾਉਣ ਵਾਲੀ ਪਣਡੁੱਬੀ ਜ਼ਬਤ

ਲੀਮਾ – ਪੇਰੂ ਵਿੱਚ ਅਧਿਕਾਰੀਆਂ ਨੇ ਇਕ ਪਣਡੁੱਬੀ ਵਿੱਚ 2 ਟਨ ਕੋਕੀਨ ਲਿਜਾ ਰਹੇ ਚਾਲਕ ਦਲ ਦੇ 4 ਮੈਂਬਰਾਂ ਨੂੰ ਹਿਰਾਸਤ ਵਿਚ ਲਿਆ ਹੈ| ਪੇਰੂ ਦਾ ਕਾਨੂੰਨ ਲਾਗੂ ਕਰਨ ਵਾਲੀਆਂ ਬੌਡੀਆਂ ਦੇ ਮੁਤਾਬਕ ਪਣਡੁੱਬੀ ਨੂੰ ਕਬਜ਼ੇ ਵਿੱਚ ਲੈਣ ਤੋਂ ਬਾਅਦ ਇਕ ਨੇਵੀ ਬੇਸ ਤੇ ਲਿਜਾਇਆ ਗਿਆ| ਵਕੀਲ ਜੌਰਜ ਸ਼ਾਵੇਜ ਕੋਟਰੀਨੀ ਨੇ ਕਿਹਾ, 2 ਟਨ ਕੋਕੀਨ ਦੇ ਨਾਲ ਹਿਰਾਸਤ ਵਿੱਚ ਲਏ ਗਏ 4 ਵਿਅਕਤੀਆਂ ਨੂੰ ਲੀਮਾ ਲਿਜਾਇਆ ਜਾ ਰਿਹਾ| ਜਲ ਸੈਨਾ ਜਾਂਚ ਕਰਨ ਲਈ ਪਣਡੁੱਬੀ ਨੂੰ ਆਪਣੇ ਕੋਲ ਰੱਖੇਗੀ| ਦੱਸਿਆ ਜਾ ਰਿਹਾ ਹੈ ਕਿ ਪਣਡੁੱਬੀ ਦੱਖਣੀ ਇਕਵੇਡੋਰ ਵੱਲੋਂ ਮੈਕਸੀਕੋ ਜਾ ਰਹੀ ਸੀ| ਜ਼ਿਕਰਯੋਗ ਹੈ ਕਿ ਪੇਰੂ, ਕੋਲੰਬੀਆ ਅਤੇ ਬੋਲੀਵੀਆ ਵਿਸ਼ਵ ਵਿਚ ਸਭ ਤੋਂ ਵੱਧ ਕੋਕੀਨ ਉਤਪਾਦਕ ਦੇਸ਼ ਹਨ|