ਪੋਂਪੀਓ ਨੂੰ ਕਿਮ ਦਾ ਉਹ ਪੱਤਰ ਮਿਲਿਆ ਜਿਸ ਦਾ ਟਰੰਪ ਨੂੰ ਸੀ ਇੰਤਜ਼ਾਰ

ਵਾਸ਼ਿੰਗਟਨ – ਅਮਰੀਕੀ ਵਿਦੇਸ਼ ਮੰਤਰੀ ਮਾਇਕ ਪੋਂਪੀਓ ਨੂੰ ਉਹ ਪੱਤਰ ਮਿਲਿਆ ਹੈ, ਜਿਸ ਬਾਰੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਉਨ੍ਹਾਂ ਨੇ ਉੱਤਰ ਕੋਰੀਆਈ ਨੇਤਾ ਕਿਮ ਜੋਂਗ ਉਨ ਨੂੰ ਅਜਿਹਾ ਪੱਤਰ ਮਿਲਣ ਦੀ ਉਮੀਦ ਸੀ। ਵਿਦੇਸ਼ ਵਿਭਾਗ ਦੇ ਇਕ ਅਧਿਕਾਰੀ ਨੇ ਪੁਸ਼ਟੀ ਕੀਤੀ ਕਿ ਪੋਂਪੀਓ ਕੋਲ ਉਹ ਪੱਤਰ ਹੈ। ਹਾਲੇ ਇਸ ਦੀ ਪੁਸ਼ਟੀ ਨਹੀਂ ਹੋ ਸਕੀ ਹੈ ਕਿ ਇਹ ਪੱਤਰ ਟਰੰਪ ਨੂੰ ਦਿੱਤਾ ਗਿਆ ਹੈ ਜਾਂ ਨਹੀਂ। ਪੋਂਪੀਓ ਸ਼ੁੱਕਰਵਾਰ ਨੂੰ ਆਪਣੇ ਦੇਸ਼ ਪਰਤੇ। ਟਰੰਪ ਸ਼ੁੱਕਰਵਾਰ ਨੂੰ ਮੋਂਟੇਨਾ ਤੇ ਡਕੋਟਾ ‘ਚ ਸਨ ਤੇ ਦੇਰ ਬਾਅਦ ਵ੍ਹਾਈਟ ਹਾਊਸ ਪਰਤੇ। ਟਰੰਪ ਨੇ ਕਿਹਾ ਹੈ ਕਿ ਕਿਮ ਦਾ ਇਹ ਹਾਲਿਆ ਬਿਆਨ ‘ਕਾਫੀ ਸਕਾਰਾਤਮਕ’ ਸੀ ਕਿ ਉਹ ਟਰੰਪ ਦੇ ਰਾਸ਼ਟਰਪਤੀ ਕਾਰਜਕਾਲ ਦੌਰਾਨ ਉੱਤਰ ਕੋਰੀਆ ਨੂੰ ਪ੍ਰਮਾਣੂ ਹਥਿਆਰਾਂ ਤੋਂ ਆਜ਼ਾਦ ਕਰਵਾਉਣ ਚਾਹੁੰਦੇ ਹਨ।