ਪ੍ਰੋ ਕਬੱਡੀ ਲੀਗ : ਬੰਗਾਲ ਨੇ ਤਾਮਿਲ ਨੂੰ 27-24 ਨਾਲ ਹਰਾਇਆ

ਕੋਲਕਾਤਾ – ਜਾਂਗ ਕੁਨ ਲੀ ਦੇ ਸ਼ਾਨਦਾਰ ਖੇਡ ਦੇ ਦਮ ‘ਤੇ ਬੰਗਾਲ ਵਾਰੀਅਰਸ ਨੇ ਪ੍ਰੋ ਕਬੱਡੀ ਲੀਗ ਦੇ 6ਵੇਂ ਸੀਜ਼ਨ ਦੇ ਇਕ ਰੋਮਾਂਚਕ ਮੁਕਾਬਲੇ ‘ਚ ਸ਼ੁੱਕਰਵਾਰ ਨੂੰ ਇੱਥੇ ਤਾਮਿਲ ਤਲਾਈਵਾਸ ਨੂੰ 27-24 ਨਾਲ ਹਰਾ ਦਿੱਤਾ। ਸਟਾਰ ਖਿਡਾਰੀ ਮੰਜੀਤ ਛਿੱਲਰ ਵਲੋਂ ਗੈਰ ਮੌਜੂਦਗੀ ‘ਚ ਉਤਰੀ ਬੰਗਾਲ ਦੀ ਟੀਮ ਲਈ ਜਾਂਗ ਕੁਨ ਲੀ ਚੋਟੀ ਦੇ ਸਕੋਰਰ ਰਹੇ, ਜਿਸ ਨੇ 12 ਅੰਕ ਹਾਸਲ ਕੀਤੇ। ਰਣ ਸਿੰਘ ਨੇ ਵੀ ਉਸਦਾ ਵਧੀਆ ਸਾਥ ਦਿੱਤਾ ਤੇ 4 ਟੈਕਲ ਅੰਕ ਹਾਸਲ ਕੀਤੇ। ਤਲਾਈਵਾਸ ਦੇ ਲਈ ਸੁਕੇਸ਼ ਹੇਗੜੇ ਚੋਟੀ ਸਕੋਰਰ ਰਹੇ ਪਰ ਉਸਦੇ 9 ਅੰਕ ਟੀਮ ਨੂੰ ਜਿੱਤ ਹਾਸਲ ਦੇ ਲਈ ਕਾਫੀ ਨਹੀਂ ਸਨ। ਇਸ ਜਿੱਤ ਦੇ ਨਾਲ ਬੰਗਾਲ ਵਾਰੀਅਰਸ ਦੀ ਟੀਮ ‘ਪਲੇ ਆਫ ਦੀ’ ਦੌੜ ‘ਚ ਬਣੀ ਹੋਈ ਹੈ ਜਦਕਿ ਤਾਮਿਲ ਦੀ ਟੀਮ ਪਹਿਲਾਂ ਹੀ ਇਸ ਤੋਂ ਬਾਹਰ ਹੋ ਚੁੱਕੀ ਹੈ। ਪ੍ਰੋ ਕਬੱਡੀ ਲੀਗ ਦੇ ਇਤਿਹਾਸ ‘ਚ ਇਹ 500ਵਾਂ ਮੈਚ ਸੀ।