ਪੰਜਾਬ ਭਵਨ ਕਨੇਡਾ ਵਿੱਚ ਸਾਥੀ ਲੁਧਿਆਣਵੀ ਦੀ ਤਸਵੀਰ ਸਥਾਪਿਤ

ਪੰਜਾਬ ਭਵਨ ਦੀ ਵਾਲ ਆਫ ਫੇਮ ,ਉੱਪਰ ਵਿਸ਼ਵ ਭਰ ਵਿੱਚੋਂ ਸਵਰਗੀ ਪੰਜਾਬੀ ਸਾਹਿਤਕਾਰਾਂ, ਕਲਾਕਾਰਾਂ, ਲੇਖਕਾਂ ਅਤੇ ਫ਼ਨਕਾਰਾਂ ਦੀਆਂ ਤਸਵੀਰਾਂ ਸ਼ੁਸ਼ੋਭਿਤ ਹਨ। ਉਕਤ ਸ਼ਬਦਾਂ ਦਾ ਪ੍ਰਗਟਾਵਾ ਪੰਜਾਬ ਭਵਨ ਸਰੀ ਦੇ ਬਾਨੀ ਸੁੱਖੀ ਬਾਠ ਨੇ ਕੀਤਾ। ਉਨ੍ਹਾਂ ਕਿਹਾ ਕਿ ਅੱਜ ਇੱਕ ਵਿਸ਼ੇਸ਼ ਸਮਾਗਮ ਦੌਰਾਨ ਪਿਛਲੇ ਸਾਲ ਵਿਛੋੜਾ ਦੇ ਗਏ ਹਰਮਨ ਪਿਆਰੇ ਸਾਥੀ ਲੁਧਿਆਣਵੀਂ ਦਾ ਚਿੱਤਰ ਸਥਾਪਿਤ ਕੀਤਾ ਗਿਆ। ਉਨ੍ਹਾਂ ਕਿਹਾ ਕਿ ਇਸ ਰਸਮ ਮੌਕੇ ਮੈਡਮ ਯਸ਼ ਸਾਥੀ, ਸਿਆਟਲ ਸਾਹਿਤ ਸਭਾ ਦੇ ਮੈਂਬਰ, ਸਾਹਿਤ ਸਭਾ ਸਰੀ ਦੀ ਸਮੁੱਚੀ ਟੀਮ, ਵੈਨਕੂਵਰ ਵਿਚਾਰ ਮੰਚ ਅਤੇ ਗ਼ਜ਼ਲ ਮੰਚ ਸਰੀ ਦੇ ਮੈਂਬਰ ਸਾਹਿਬਾਨ ਅਤੇ ਹੋਰ ਪਤਵੰਤੇ ਹਾਜ਼ਰ ਸਨ।