ਬ੍ਰੇਟ ਲੀ ਨੇ ਕਿਹਾ ਏਸ਼ੀਆ ਕੱਪ ‘ਚ ਭਾਰਤੀ ਟੀਮ ਨੂੰ ਸੰਭਾਲਣਗੇ ਰੋਹਿਤ ਤੇ ਧਵਨ

ਨਵੀਂ ਦਿੱਲੀ – ਆਸਟਰੇਲੀਆ ਦੇ ਸਾਬਕਾ ਗੇਂਦਬਾਜ਼ ਬ੍ਰੇਟ ਲੀ ਨੇ ਰੋਹਿਤ ਸ਼ਰਮਾ ਅਤੇ ਸ਼ਿਖਰ ਧਵਨ ਦਾ ਸਮਰਥਨ ਕਰਦੇ ਹੋਏ ਕਿਹਾ ਕਿ ਇਹ ਦੋਵੇਂ ਏਸ਼ੀਆ ਕੱਪ ‘ਚ ਵਧੀਆ ਪ੍ਰਦਰਸ਼ਨ ਕਰਨਗੇ। ਨਿਯਮਿਤ ਕਪਤਾਨ ਵਿਰਾਟ ਕੋਹਲੀ ਦੀ ਗੈਰਮੌਜੂਦਗੀ ‘ਚ ਰੋਹਿਤ-ਧਵਨ ਭਾਰਤੀ ਦੀ ਯੋਜਨਾ ਲਈ ਮਹੱਤਵਪੂਰਨ ਹੋਣਗੇ। ਕੋਹਲੀ ਨੂੰ ਇੰਗਲੈਂਡ ਦੌਰੇ ਤੋਂ ਬਾਅਦ ਆਰਾਮ ਦਿੱਤਾ ਗਿਆ ਹੈ, ਜਦਕਿ ਰੋਹਿਤ ਭਾਰਤੀ ਟੀਮ ਦੀ ਅਗਵਾਈ ਕਰਨਗੇ, ਜੋ 18 ਸਤੰਬਰ ਤੋਂ ਏਸ਼ੀਆ ਕੱਪ ‘ਚ ਅਭਿਆਨ ਸ਼ੁਰੂ ਕਰੇਗੀ। ਧਵਨ ਨੂੰ ਵਨਡੇ ਟੂਰਨਾਮੈਂਟ ਲਈ ਉਪਕਪਤਾਨ ਚੁਣਿਆ ਗਿਆ ਹੈ। ਅਧਿਕਾਰਿਕ ਪ੍ਰਸਾਰਕ ਸਟਾਰ ਸਪੋਰਟਸ ਵਲੋਂ ਜਾਰੀ ਇਕ ਬਿਆਨ ਅਨੁਸਾਰ ਲੀ ਨੇ ਕਿਹਾ ਕਿ ਏਸ਼ੀਆ ਕੱਪ ‘ਚ ਭਾਰਤ ਲਈ ਦੋ ਅਹਿੰਮ ਬੱੱਲੇਬਾਜ਼ ਹਨ ਧਵਨ ਅਤੇ ਰੋਹਿਤ ਸ਼ਰਮਾ। ਮੇਰਾ ਮੰਨਣਾ ਹੈ ਕਿ ਰੋਹਿਤ ਟੀਮ ਲਈ ਕਾਫੀ ਬਿਹਤਰੀਨ ਪ੍ਰਦਰਸ਼ਨ ਕਰਨਗੇ ਕਿਉਂਕਿ ਉਨ੍ਹਾਂ ਨੂੰ ਭਾਰਤੀ ਟੀਮ ਦੀ ਅਗਵਾਈ ਦੀ ਜਿੰਮੇਵਾਰੀ ਦਿੱਤੀ ਗਈ ਹੈ। ਬ੍ਰੇਟ ਲੀ ਨੇ ਕਿਹਾ ਕਿ ਕੋਹਲੀ ਨਹੀਂ ਖੇਡ ਰਹੇ ਪਰ ਰੋਹਿਤ ਅਤੇ ਧਵਨ ਭਾਰਤੀ ਬੱਲੇਬਾਜ਼ੀ ਲਈ ਦੋ ਅਹਿੰਮ ਖ਼ਿਡਾਰੀ ਹੋਣਗੇ। ਬ੍ਰੇਟ ਲੀ 76 ਟੈਸਟ ਅਤੇ 221 ਵਨਡੇ ਖੇਡ ਚੁੱਕੇ ਹਨ। ਉਨ੍ਹਾਂ ਨੂੰ ਲੱਗਦਾ ਹੈ ਕਿ ਰੋਹਿਤ ਸੰਯੁਕਤ ਅਰਬ ਅਮੀਰਾਤ ‘ਚ ਬਿਹਤਰੀਨ ਖੇਡ ਦਿਖਾਉਣਗੇ ਕਿਉਂਕਿ ਉੱਥੇ ਹੀ ਵਿਕਟ ਉਨ੍ਹਾਂ ਦੀ ਮਦਦ ਕਰੇਗੀ।
ਇਸ 41 ਸਾਲ ਦੇ ਸਾਬਕਾ ਕ੍ਰਿਕਟਰ ਨੇ ਕਿਹਾ ਕਿ ਵਿਰਾਟ ਕੋਹਲੀ ਨੂੰ ਟੂਰਨਾਮੈਂਟ ਲਈ ਆਰਾਮ ਦਿੱਤਾ ਗਿਆ ਹੈ ਤਾਂ ਸ਼ਿਖਰ ਅਤੇ ਰੋਹਿਤ ਦੇ ਕੋਲ ਖੁਦ ਦੀ ਕਾਬਲੀਅਤ ਦਿਖਾਉਣ ਦਾ ਮੌਕਾ ਹੋਵੇਗਾ।