ਭਾਰਤ ਖ਼ਿਲਾਫ਼ ਪਹਿਲੇ ਟੈਸਟ ’ਚੋਂ ਵਾਰਨਰ ਬਾਹਰ

ਸਿਡਨੀ – ਆਸਟਰੇਲੀਆ ਦਾ ਸਲਾਮੀ ਬੱਲੇਬਾਜ਼ ਡੇਵਿਡ ਵਾਰਨਰ ਸੱਟ ਕਾਰਨ ਭਾਰਤੀ ਕ੍ਰਿਕਟ ਟੀਮ ਖ਼ਿਲਾਫ਼ ਐਡੀਲੇਡ ਵਿੱਚ 17 ਦਸੰਬਰ ਤੋਂ ਸ਼ੁਰੂ ਹੋ ਰਹੇ ਪਹਿਲੇ ਟੈਸਟ ਮੈਚ ’ਚੋਂ ਬਾਹਰ ਹੋ ਗਿਆ ਹੈ। ਵਾਰਨਰ ਨੇ ਕਿਹਾ ਕਿ ਉਹ ਪੂਰੀ ਤਰ੍ਹਾਂ ਸਿਹਤਯਾਬ ਹੋ ਕੇ ਹੀ ਟੈਸਟ ਵਿੱਚ ਉਤਰਨਾ ਚਾਹੁੰਦਾ ਹੈ ਅਤੇ ਉਸ ਦਾ ਟੀਚਾ ਮੈਲਬਰਨ ਵਿੱਚ 26 ਦਸੰਬਰ ਤੋਂ ਸ਼ੁਰੂ ਹੋ ਰਿਹਾ ਟੈਸਟ ਮੈਚ ਹੈ। ਉਸਨੇ ਕਿਹਾ, ‘‘ਹੁਣ ਸੱਟ ਪਹਿਲਾਂ ਤੋਂ ਬਿਹਤਰ ਹੈ, ਪਰ ਮੈਂ ਆਪਣੀ ਤਸੱਲੀ ਲਈ ਸੌ ਫ਼ੀਸਦੀ ਠੀਕ ਹੋ ਕੇ ਹੀ ਉਤਰਨਾ ਚਾਹੁੰਦਾ ਹਾਂ ਤਾਂ ਕਿ ਦੌੜ ਲੈਣ ਅਤੇ ਫੀਲਡਿੰਗ ਕਰਨ ਵਿੱਚ ਸਮੱਸਿਆ ਨਾ ਆਵੇ।