ਭਾਰਤ ਹਰ ਪੱਖੋਂ ਆਸਟ੍ਰੇਲੀਆ ਤੋਂ ਅੱਗੇ :ਡੀਨ ਜੋਂਸ

ਨਵੀਂ ਦਿੱਲੀ – ਆਸਟ੍ਰੇਲੀਆ ਦੇ ਸਾਬਕਾ ਬੱਲੇਬਾਜ਼ ਡੀਨ ਜੋਂਸ ਨੂੰ ਨਹੀਂ ਲੱਗਦਾ ਕਿ ਉਨ੍ਹਾਂ ਦੀ ਮੌਜੂਦਾ ਟੀਮ ਆਗਾਮੀ ਟੈਸਟ ਸੀਰੀਜ਼ ‘ਚ ਭਾਰਤ ਨੂੰ ਹਰਾ ਸਕੇਗੀ ਅਤੇ ਉਨ੍ਹਾਂ ਨੂੰ ਭਾਰਤੀ ਕਪਤਾਨ ਵਿਰਾਟ ਕੋਹਲੀ ਨੂੰ ‘ਉਕਸਾਉਣ’ ਤੋਂ ਬਚਨ ਦੀ ਵੀ ਸਲਾਹ ਦਿੱਤੀ। ਸਟਿਵ ਸਮਿਥ ਅਤੇ ਡੇਵਿਡ ਵਾਰਨਰ ਬਿਨਾਂ ਆਸਟ੍ਰੇਲੀਆਈ ਟੀਮ ਉਨੀ ਮਜ਼ਬੂਤ ਨਹੀਂ ਲੱਗ ਰਹੀ ਜਿਸ ਕਰਕੇ ਭਾਰਤ ਕੋਲ ਆਸਟ੍ਰੇਲੀਆ ‘ਚ ਪਹਿਲੀ ਟੈਸਟ ਸੀਰੀਜ਼ ਜਿੱਤਣ ਦਾ ਸੁਨਹਿਰਾ ਮੌਕਾ ਹੈ। ਜੋਂਸ ਨੇ ਕਿਹਾ,’ ਭਾਰਤ ਜੇਕਰ ਇਹ ਸੀਰੀਜ਼ ਨਾ ਜਿੱਤ ਸਕਿਆ ਤਾਂ ਆਸਟ੍ਰੇਲੀਆ ‘ਚ ਕਦੀ ਨਹੀਂ ਜਿੱਤ ਪਾਵੇਗਾ। ਭਾਰਤ ਹਰ ਪੱਖੋਂ ਆਸਟ੍ਰੇਲੀਆ ਤੋਂ ਕਿਤੇ ਅੱਗੇ ਹੈ ਪਰ ਕਿ ਉਨ੍ਹਾਂ ਨੂੰ ਇਹ ਭਰੋਸਾ ਹੈ ਕਿ ਉਨ੍ਹਾਂ ਦੇ ਤੇਜ਼ ਗੇਂਦਬਾਜ਼ ਉਮੀਦਾਂ ‘ਤੇ ਖਰੇ ਉਤਰਣਗੇ।’ ‘ ਮੈਨੂੰ ਲੱਗਦਾ ਹੈ ਕਿ ਭਾਰਤ 2-0 ਜਾਂ 3-0 ਨਾਲ ਸੀਰੀਜ਼ ਜਿੱਤੇਗਾ ਕਿਉਂਕਿ ਮੈਨੂੰ ਨਹੀਂ ਲੱਗਦਾ ਕਿ ਆਸਟ੍ਰੇਲੀਆ ਇਕ ਵੀ ਟੈਸਟ ਜਿੱਤ ਸਕੇਗਾ,’ ਉਨ੍ਹਾਂ ਕਿਹਾ ‘ਆਸਟ੍ਰੇਲੀਆ ਨੂੰ ਉਨ੍ਹਾਂ ਦੀ ਧਰਤੀ ‘ਤੇ ਹਰਾਉਣਾ ਕਾਫੀ ਮੁਸ਼ਕਲ ਹੈ ਪਰ ਇਸ ਟੀਮ ‘ਚ ਸਟੀਵ ਸਮਥਿ ਅਤੇ ਡੇਵਿਡ ਵਾਰਨਰ ਨਹੀਂ ਹਨ ਜੋ ਆਸਟ੍ਰੇਲੀਆ ਨੂੰ ਦੌੜਾਂ ਦਾ 40ਫੀਸਦੀ ਦਿੰਦੇ ਹਨ, ਉਨ੍ਹਾਂ ਦੀ ਜਗ੍ਹਾ ਕੋਣ ਲਵੇਗਾ।’