ਮਹਿਬੂਬਾ ਮੁਫ਼ਤੀ ਸਚਾਈ ਤੋਂ ਕੋਹਾਂ ਦੂਰ: ਉਮਰ

ਸ੍ਰੀਨਗਰ – ਨੈਸ਼ਨਲ ਕਾਨਫਰੰਸ ਦੇ ਉਪ ਮੁਖੀ ਉਮਰ ਅਬਦੁੱਲਾ ਨੇ ਪੀਡੀਪੀ ਮੁਖੀ ਮਹਿਬੂਬਾ ਮੁਫ਼ਤੀ ਵੱਲ ਨਿਸ਼ਾਨਾ ਸੇਧਦਿਆਂ ਕਿਹਾ ਕਿ ਕੀ ਸਾਬਕਾ ਮੁੱਖ ਮੰਤਰੀ ਹਮੇਸ਼ਾਂ ਸਚਾਈ ਤੋਂ ਕੋਹਾਂ ਦੂਰ ਰਹੀ ਹੈ। ਸ੍ਰੀ ਅਬਦੁੱਲਾ ਨੇ ਟਵੀਟ ਕਰਦਿਆਂ ਲਿਖਿਆ, ‘ਯਕੀਨ ਨਹੀਂ ਆਉਂਦਾ! ਅਜੇ ਵੀ ਉਨ੍ਹਾਂ ਨੂੰ ਆਪਣੀ ਤੇ ਆਪਣੇ ‘ਦੁੱਖ ਤਕਲੀਫ਼ਾਂ’ ਦੀ ਪਈ ਹੈ। ਉਹ ਉਨ੍ਹਾਂ ਕੁਝ ਚੋਣਵੇਂ ਲੋਕਾਂ ’ਚੋਂ ਹੈ, ਜਿਨ੍ਹਾਂ ਨੂੰ ਪਿਛਲੇ ਕੁਝ ਸਾਲਾਂ ’ਚ ਕੋਈ ਦੁਖ ਤਕਲੀਫ਼ ਨਹੀਂ ਹੋਈ। ਕੀ ਮਹਿਬੂਬਾ ਮੁਫ਼ਤੀ ਹਮੇਸ਼ਾਂ ਸਚਾਈ ਤੋਂ ਦੂਰ ਰਹਿੰਦੀ ਹੈ।’ ਯਾਦ ਰਹੇ ਕਿ ਬੀਬੀ ਮੁਫ਼ਤੀ ਨੇ ਬੀਤੇ ਦਿਨੀਂ ਪਾਰਟੀ ਦੇ ਸਥਾਪਨਾ ਦਿਹਾੜੇ ਦੀ 19ਵੀਂ ਵਰ੍ਹੇਗੰਢ ਮੌਕੇ ਕਿਹਾ ਸੀ ਕਿ ਭਾਜਪਾ ਨਾ ਨਾਲ ਦੋ ਸਾਲ ਦੋ ਮਹੀਨੇ ਦੇ ਗੱਠਜੋੜ ਦੌਰਾਨ ਉਸ ਨੂੰ ਕਾਫ਼ੀ ਦੁੱਖ ਤਕਲੀਫ ਝੱਲਣੀ ਪਈ ਸੀ।