ਮੈਨੂੰ ਰਿਫਰੈਂਡਮ 2020 ਬਾਰੇ ਕੋਈ ਜਾਣਕਾਰੀ ਨਹੀਂ : ਅਮਰੀਕੀ ਅਧਿਕਾਰੀ

ਵਾਸ਼ਿੰਗਟਨ – ਅਮਰੀਕੀ ਸਟੇਟ ਵਿਭਾਗ ਦੇ ਡਿਪਟੀ ਰੋਬਰਟ ਪੈਲੈਡੀਨੋ ਨੇ ਦੱਸਿਆ ਕਿ ਉਹ 2020 ‘ਚ ਹੋਣ ਵਾਲੇ ਰਿਫਰੈਂਡਮ ਤੋਂ ਅਣਜਾਣ ਹਨ ਅਤੇ ਉਨ੍ਹਾਂ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਤੋਂ ਜਦ ਇਸ ਸਬੰਧੀ ਪ੍ਰਸ਼ਨ ਪੁੱਛਿਆ ਗਿਆ ਕਿ ਕੀ ਉਹ ਸਿੱਖਸ ਫਾਰ ਜਸਟਿਸ ਵਲੋਂ ਕਰਵਾਈ ਜਾਣ ਵਾਲੀ ਰਾਇਸ਼ੁਮਾਰੀ ਬਾਰੇ ਜਾਣਦੇ ਹਨ ਤਾਂ ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਅਮਰੀਕਾ ‘ਚ ਸਾਨੂੰ ਭਾਸ਼ਣ ਦੇਣ ਦਾ ਹੱਕ ਹੈ ਅਤੇ ਸਾਡੇ ਕੋਲ ਸਹਿਯੋਗ ਦੀ ਵੀ ਸੁਤੰਤਰਤਾ ਹੈ। ਇਹ ਸਭ ਅਮਰੀਕੀ ਸਮਾਜ ਦੇ ਸਿਧਾਂਤਕ ਅਸੂਲ ਹਨ। ਤੁਹਾਨੂੰ ਦੱਸ ਦਈਏ ਕਿ ਕੁਝ ਦਿਨ ਪਹਿਲਾਂ ਹੀ ਸਿੱਖਸ ਫਾਰ ਜਸਟਿਸ ਵਲੋਂ ਪਾਕਿਸਤਾਨ ਕੋਲੋਂ ਰਿਫਰੈਂਡਮ 2020 ਲਈ ਸਿਆਸੀ ਸਮਰਥਨ ਮੰਗਿਆ ਸੀ ।