ਰੋਡ੍ਰੀਗੇਜ, ਮੰਧਾਨਾ ਆਈ. ਸੀ. ਸੀ. ਰੈਂਕਿੰਗ ਵਿੱਚ ਕ੍ਰਮਵਾਰ ਦੂਜੇ ਅਤੇ ਛੇਵੇਂ ਸਥਾਨ ਤੇ

ਦੁਬਈ – ਭਾਰਤੀ ਮਹਿਲਾ ਬੱਲੇਬਾਜ਼ ਜੇਮਿਮਾ ਰੋਡ੍ਰੀਗੇਜ ਅਤੇ ਸਮ੍ਰਿਤੀ ਮੰਧਾਨਾ ਚਾਰ ਪਾਇਦਾਨ ਚੜ ਕੇ ਆਈ.ਸੀ.ਸੀ. ਟੀ-20 ਰੈਂਕਿੰਗ ਵਿੱਚ ਕ੍ਰਮਵਾਰ ਦੂਜੇ ਅਤੇ ਛੇਵੇਂ ਸਥਾਨ ਤੇ ਪਹੁੰਚ ਗਈਆਂ ਹਨ| ਭਾਰਤ ਨੂੰ ਤਿੰਨ ਮੈਚਾਂ ਦੀ ਸੀਰੀਜ਼ ਵਿੱਚ ਨਿਊਜ਼ੀਲੈਂਡ ਨੇ 3-0 ਨਾਲ ਹਰਾਇਆ| ਰੋਡ੍ਰੀਗੇਜ ਨੇ ਤਿੰਨ ਮੈਚਾਂ ਦੀ ਸੀਰੀਜ਼ ਵਿੱਚ 132 ਦੌੜਾਂ ਬਣਾਈਆਂ ਜਦਕਿ ਮੰਧਾਨਾ ਨੇ 180 ਦੌੜਾਂ ਜੋੜੀਆਂ ਅਤੇ ਉਸ ਨੂੰ ਚਾਰ ਪਾਇਦਾਨ ਦਾ ਫਾਇਦਾ ਮਿਲਿਆ| ਗੇਂਦਬਾਜ਼ਾਂ ਵਿੱਚ ਸਪਿਨਰ ਰਾਧਾ ਯਾਦਵ 18 ਪਾਇਦਾਨ ਚੜ ਕੇ 10ਵੇਂ ਸਥਾਨ ਤੇ ਪਹੁੰਚ ਗਈ| ਦੀਪਤੀ ਸ਼ਰਮਾ ਪੰਜ ਪਾਇਦਾਨ ਚੜ੍ਹ ਕੇ 14ਵੇਂ ਸਥਾਨ ਤੇ ਪਹੁੰਚ ਗਈ ਹੈ| ਨਿਊਜ਼ੀਲੈਂਡ ਦੀ ਸੋਫੀ ਡੇਵਾਈਨ 11ਵੇਂ ਤੋਂ 8ਵੇਂ ਸਥਾਨ ਤੇ ਪਹੁੰਚ ਗਈ ਹੈ| ਕਪਤਾਨ ਐਮੀ ਸੈਟਰਥਵੇਟ 23ਵੇਂ ਤੋਂ 17ਵੇਂ ਸਥਾਨ ਤੇ ਆ ਗਈ ਹੈ| ਹਰਫਨਮੌਲਾਵਾਂ ਵਿੱਚ ਵੈਸਟਇੰਡੀਜ਼ ਦੀ ਡਿਏਂਡ੍ਰਾ ਡੋਟਿਨ ਚੋਟੀ ਤੇ ਹੈ| ਬੱਲੇਬਾਜ਼ਾਂ ਵਿੱਚ ਪਾਕਿਸਤਾਨੀ ਕਪਤਾਨ ਬਿਸਮਾਹ ਮਾਰੂਫ ਤਿੰਨ ਪਾਇਦਾਨ ਚੜ ਕੇ 15ਵੇਂ ਸਥਾਨ ਤੇ ਪਹੁੰਚ ਗਈ| ਵਨ ਡੇ ਫਾਰਮੈਟ ਵਿੱਚ ਚੋਟੀ ਤੇ ਕਾਬਜ ਸਨਾ ਮੀਰ 6 ਪਾਇਦਾਨ ਚੜ ਕੇ 28ਵੇਂ ਸਥਾਨ ਤੇ ਹੈ| ਟੀਮ ਰੈਂਕਿੰਗ ਵਿੱਚ ਨਿਊਜ਼ੀਲੈਂਡ ਇੰਗਲੈਂਡ ਨੂੰ ਪਛਾੜ ਕੇ ਦੂਜੇ ਸਥਾਨ ਤੇ ਪਹੁੰਚ ਗਿਆ| ਆਸਟਰੇਲੀਆ ਚੋਟੀ ਤੇ ਅਤੇ ਭਾਰਤ ਪੰਜਵੇਂ ਸਥਾਨ ਤੇ ਹੈ|