ਰੋਹਿਤ ਦੀ ਵਧੀਆ ਫਾਰਮ ਨਾਲ ਕੋਹਲੀ ਤੋਂ ਦਬਾਅ ਘਟੇਗਾ: ਸ੍ਰੀਕਾਂਤ

ਸਾਊਥੈਂਪਟਨ – ਭਾਰਤ ਦੇ ਸਾਬਕਾ ਸਲਾਮੀ ਬੱਲੇਬਾਜ਼ ਸ੍ਰੀਕਾਂਤ ਦਾ ਮੰਨਣਾ ਹੈ ਕਿ ਰੋਹਿਤ ਸ਼ਰਮਾ ਦੀ ਤੇਜ਼ ਪਾਰੀ ਖੇਡਣ ਦੀ ਕਾਬਲੀਅਤ ਟੀਮ ਲਈ ਬੋਨਸ ਹੈ ਅਤੇ ਉਸ ਦੇ ਚੰਗੇ ਫਾਰਮ ਨਾਲ ਵਿਸ਼ਵ ਕੱਪ ਵਿੱਚ ਕਪਤਾਨ ਵਿਰਾਟ ਕੋਹਲੀ ਤੋਂ ਦਬਾਅ ਘਟੇਗਾ। ਰੋਹਿਤ ਨੇ 144 ਗੇਂਦਾਂ ’ਤੇ 122 ਦੌੜਾਂ ਬਣਾ ਕੇ ਭਾਰਤ ਦੇ ਵਿਸ਼ਵ ਕੱਪ ਦੇ ਪਹਿਲੇ ਮੈਚ ’ਚ ਦੱਖਣੀ ਅਫਰੀਕਾ ’ਤੇ ਜਿੱਤ ਦਰਜ ਕੀਤੀ। ਸ੍ਰੀਲੰਕਾ ਨੇ ਆਈਸੀਸੀ ਲਈ ਕਾਲਮ ’ਚ ਲਿਖਿਆ, ‘‘ਪ੍ਰਸਥਿਤੀਆਂ ਅਨੁਸਾਰ ਰੋਹਿਤ ਦੀ ਖੇਡਣ ਦੀ ਕਾਬਲੀਅਤ ਕਮਾਲ ਦੀ ਹੈ।’’ ਉਨ੍ਹਾਂ ਕਿਹਾ, ‘‘ਭਾਰਤ ਲਈ ਇਹ ਚੰਗੀ ਗੱਲ ਹੈ ਕਿ ਉਸ ਕੋਲ ਸੈਂਕੜੇ ਅਤੇ ਦੋਹਰੇ ਸੈਂਕੜੇ ਬਣਾਉਣ ਵਾਲੇ ਬੱਲੇਬਾਜ਼ ਹਨ। ਇਸ ਨਾਲ ਕੋਹਲੀ ਤੋਂ ਦਬਾਅ ਘਟੇਗਾ।’’ ਸ੍ਰੀਕਾਂਤ ਨੇ ਕਿਹਾ ਕਿ ਵਿਸ਼ਵ ਕੱਪ ’ਚ ਭਾਰਤ ਦੇ ਸਿਖਰਲੇ ਕ੍ਰਮ ਦੀ ਭੂਮਿਕਾ ਅਹਿਮ ਹੋਵੇਗੀ। ਉਨ੍ਹਾਂ ਕਿਹਾ, ‘‘ਸਿਖਰ ਧਵਨ, ਸ਼ਰਮਾ ਅਤੇ ਕੋਹਲੀ ਦਾ ਚੰਗਾ ਪ੍ਰਦਰਸ਼ਨ ਭਾਰਤ ਲਈ ਕਾਫ਼ੀ ਅਹਿਮ ਹੋਵੇਗਾ।’’ ਭਾਰਤ ਦੀ 1983 ਵਿਸ਼ਵ ਕੱਪ ਵਿਜੇਤਾ ਦੇ ਮੈਂਬਰ ਰਹੇ ਸ੍ਰੀਕਾਂਤ ਨੇ ਜਸਪ੍ਰੀਤ ਬੁਮਰਾਹ ਦੀ ਖ਼ਾਸ ਤੌਰ ’ਤੇ ਤਾਰੀਫ਼ ਕੀਤੀ। ਸ੍ਰੀਕਾਂਤ ਨੇ ਕਿਹਾ, ‘‘ਜਸਪ੍ਰੀਤ ਬੁਮਰਾਹ ਨੇ ਨਵੀਂ ਗੇਂਦ ਨਾਲ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਉਸ ਨੇ ਸ਼ੁਰੂਆਤੀ ਸਪੈਲ ਤੋਂ ਦੱਖਣੀ ਅਫ਼ਰੀਕਾ ’ਤੇ ਦਬਾਅ ਬਣਾ ਕੇ ਭਾਰਤ ਦੀ ਪਕੜ ਮਜ਼ਬੂਤ ਕੀਤੀ।