ਰੋਹਿਤ ਨੇ ਸਚਿਨ ਤੇ ਸਹਿਵਾਗ ਦੀ ਕੀਤੀ ਬਰਾਬਰੀ

ਰੋਹਿਤ ਸ਼ਰਮਾ ਦੱਖਣੀ ਅਫਰੀਕਾ ਖ਼ਿਲਾਫ਼ ਸਲਾਮੀ ਬੱਲੇਬਾਜ਼ ਵਜੋਂ ਤੀਜੇ ਟੈਸਟ ਵਿੱਚ ਦੂਹਰਾ ਸੈਂਕੜਾ ਮਾਰ ਕੇ ਸਚਿਨ ਤੇਂਦੁਲਕਰ ਅਤੇ ਵੀਰੇਂਦਰ ਸਹਿਵਾਗ ਦੀ ਬਰਾਬਰੀ ਕਰਦਿਆਂ ਦੋ ਵੰਨਗੀਆਂ (ਇੱਕ ਰੋਜ਼ਾ ਅਤੇ ਟੈਸਟ) ਵਿੱਚ 200 ਦੌੜਾਂ ਬਣਾਉਣ ਵਾਲਾ ਬੱਲੇਬਾਜ਼ ਬਣ ਗਿਆ। ਰੋਹਿਤ ਇਸ ਗੱਲ ਤੋਂ ਭਲੀ-ਭਾਂਤ ਜਾਣੂ ਸੀ ਕਿ ਉਸ ਨੂੰ ਟੈਸਟ ਸਲਾਮੀ ਬੱਲੇਬਾਜ਼ ਵਜੋਂ ਆਪਣੀ ਨਵੀਂ ਭੂਮਿਕਾ ’ਚ ਮਿਲੇ ਮੌਕਿਆਂ ਦੀ ਪੂਰੀ ਵਰਤੋਂ ਕਰਨੀ ਹੋਵੇਗੀ ਅਤੇ ਜੇਕਰ ਉਹ ਅਜਿਹਾ ਨਹੀਂ ਕਰਦਾ ਤਾਂ ਇਸ ਦਾ ਅਸਰ ਉਸ ਦੇ ਭਵਿੱਖ ’ਤੇ ਪੈ ਸਕਦਾ ਸੀ। ਰੋਹਿਤ ਨੇ ਦੱਖਣੀ ਅਫਰੀਕਾ ਖ਼ਿਲਾਫ਼ ਆਪਣੇ ਪਹਿਲੇ ਹੀ ਟੈਸਟ ਵਿੱਚ 176 ਅਤੇ 127 ਦੌੜਾਂ ਦੀਆਂ ਪਾਰੀਆਂ ਖੇਡੀਆਂ ਅਤੇ ਹੁਣ ਤੀਜੇ ਟੈਸਟ ਵਿੱਚ 212 ਦੌੜਾਂ ਬਣਾਈਆਂ ਹਨ। ਰੋਹਿਤ ਨੇ ਦੂਜੇ ਦਿਨ ਦੀ ਖੇਡ ਖ਼ਤਮ ਹੋਣ ਮਗਰੋਂ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ, ‘‘ਜੇਕਰ ਮੈਂ ਦੌੜਾਂ ਨਹੀਂ ਬਣਾਉਂਦਾ ਤਾਂ ਕਾਫ਼ੀ ਕੁੱਝ ਹੋਣ ਵਾਲਾ ਸੀ।