ਸਰਜਰੀ ਤੋਂ ਬਾਅਦ ਆਪਣੇ ਦੇਸ਼ ਪਰਤੇ ਸਾਹਾ

ਕੋਲਕਾਤਾ – ਮੈਨਚੈਸਟਰ ‘ਚ ਮੋਢੇ ਦੇ ਆਪਰੇਸ਼ਨ ਤੋਂ ਬਾਅਦ ਆਪਣੇ ਦੇਸ਼ ਵਾਪਸ ਆਏ ਵਿਕਟਕੀਪਰ ਬੱਲੇਬਾਜ਼ ਰਿਧੀਮਾਨ ਸਾਹਾ ਨੇ ਕਿਹਾ ਕਿ ਸੱਟ ਤੋਂ ਉਭਰਨ ਦੌਰਾਨ ਤੇਜ਼ ਗੇਂਦਬਾਜਾਂ ਦਾ ਸਾਹਮਣਾ ਕਰਨ ਤੋਂ ਜ਼ਿਆਦਾ ਮੁਸ਼ਕਿਲ ਹੁੰਦਾ ਹੈ। ਸਾਹਾ ਦੇ ਸੱਜੇ ਹੱਥ ‘ਚ ਕੋਹਨੀ ਦੇ ਹੇਠਾਂ ਕਾਫੀ ਜ਼ਿਆਦਾ ਪੱਟੀਆਂ ਬੰਨ੍ਹੀਆਂ ਹੋਈਆਂ ਹਨ। ਮੈਨਚੈਸਟਰ ਦੇ ਆਰਮ ਕਲੀਨਿਕ ‘ਚ ਸਰਜਰੀ ਤੋਂ ਬਾਅਦ ਉਹ ਆਪਣੇ ਦੇਸ਼ ਵਾਪਸ ਪਰਤੇ। ਤਿੰਨ ਹਫਤੇ ਦੇ ਜ਼ਰੂਰੀ ਆਰਾਮ ਤੋਂ ਬਾਅਦ ਸਾਹਾ ਬੰਗਲੁਰੂ ‘ਚ ਰਾਸ਼ਟਰੀ ਕ੍ਰਿਕਟ ਅਕੈਡਮੀ (ਐੱਨ.ਸੀ.ਏ.) ‘ਚ ਰਿਹੈਬਿਲੀਟੇਸ਼ਨ ਸ਼ੁਰੂ ਕਰਨਗੇ। ਸਾਹਾ ਨੇ ਕਿਹਾ ਕਿ ਇਹ ਕਾਫੀ ਮੁਸ਼ਕਿਲ ਹੈ। ਤੁਸੀਂ ਹੱਥ ਨੂੰ ਹਿਲਾ ਨਹੀਂ ਸਕਦੇ ਅਤੇ ਮੈਨੂੰ ਇਸ ਨੂੰ ਇਕ ਹੀ ਸਥਿਤੀ ‘ਚ ਰੱਖਣਾ ਹੈ। ਇਹ ਤੇਜ਼ ਗੇਂਦਬਾਜ਼ਾਂ ਦਾ ਸਾਹਮਣਾ ਕਰਨ ਤੋਂ ਜ਼ਿਆਦਾ ਮੁਸ਼ਕਿਲ ਹੈ। ਪਰ ਇਹ ਅੱਗੇ ਵਧਣ ਅਤੇ ਵਾਪਸੀ ਕਰਨ ਦਾ ਇਕਮਾਤਰ ਤਰੀਕਾ ਹੈ। ਇਹ ਮੈਨੂੰ ਕਰਨਾ ਹੀ ਹੋਵੇਗਾ। ਸਾਹਾ ਦੀਆਂ ਨਜ਼ਰਾਂ ਹੁਣ ਆਸਟ੍ਰੇਲੀਆ ਦੇ ਖਿਲਾਫ ਹੋਣ ਵਾਲੀ ਟੈਸਟ ਲੜੀ ‘ਤੇ ਟਿਕੀਆਂ ਹਨ ਜੋ ਛੇ ਦਸੰਬਰ ਤੋਂ ਸ਼ੁਰੂ ਹੋਣਗੀਆਂ। ਆਸਟ੍ਰੇਲੀਆ ਦੌਰੇ ਲਈ ਹੁਣ ਵੀ ਕਾਫੀ ਸਮਾਂ ਬਚਿਆ ਹੈ। ਦੇਖਦੇ ਹਾਂ ਕੀ ਹੁੰਦਾ ਹੈ। ਸਾਹਾ ਨੇ ਕਿਹਾ ਕਿ ਸੱਟਾਂ ਖਿਡਾਰੀ ਦੇ ਕੈਰੀਅਰ ਦਾ ਹਿੱਸਾ ਹੁੰਦੀਆਂ ਹਨ ਪਰ ਕਿਸੇ ਨੂੰ ਵੀ ਸੱਟਾਂ ਦੇ ਨਾਲ ਨਹੀਂ ਖੇਡਣਾ ਚਾਹੀਦਾ। ਆਮ ਤੌਰ ‘ਤੇ 55 ਫੀਸਦੀ ਮਾਮਲਿਆਂ ‘ਚ ਸੱਟ ਠੀਕ ਹੋਣ ਤੋਂ ਬਾਅਦ ਦੁਬਾਰਾ ਨਹੀਂ ਉਭਰਦੀ। ਇਹ ਸਭ ਇਸ ‘ਤੇ ਨਿਰਭਰ ਕਰਦਾ ਹੈ ਕਿ ਮੈਂ ਕਿੰਝ ਉਭਰਦਾ ਹਾਂ। ਮੈਂ ਜ਼ਲਦਬਾਜ਼ੀ ਨਹੀਂ ਕਰਨਾ ਚਾਹੁੰਦਾ। ਮੈਂ ਹੌਲੀ-ਹੌਲੀ ਅੱਗੇ ਵਧਣਾ ਚਾਹੁੰਦਾ ਹਾਂ ਜਿਸ ਨਾਲ ਇਹ ਵਧੇ ਨਾ।