ਸੰਜੇ ਮਾਂਜਰੇਕਰ ਨੇ ਟੀਮ ਇੰਡੀਆ ਨੂੰ ਦਿੱਤੀ ਸਲਾਹ

ਨਵੀਂ ਦਿੱਲੀ – ਸਾਬਕਾ ਭਾਰਤੀ ਕ੍ਰਿਕਟ ਅਤੇ ਐਨਾਲਿਸਟ ਸੰਜੇ ਮਾਂਜਰੇਕਰ ਭਾਰਤ-ਆਸਟ੍ਰੇਲੀਆ ਟੈਸਟ ਸੀਰੀਜ਼ ਨੂੰ ਲਗਾਤਾਰ ਫੋਲੋ ਕਰ ਰਹੇ ਹਨ। ਨਾਲ ਹੀ ਉਹ ਸਾਰਿਆ ਦੀ ਤਰ੍ਹਾਂ ਭਾਰਤੀ ਓਪਨਿੰਗ ਜੋੜੀ ਦੇ ਖਰਾਬ ਪ੍ਰਦਰਸ਼ਨ ਤੋਂ ਵੀ ਨਾਰਾਜ਼ ਹਨ। ਪਹਿਲੇ ਦੋ ਟੈਸਟ ਮੈਚਾਂ ‘ਚ ਟੀਮ ਇੰਡੀਆ ਨੇ ਓਪਨਿੰਗ ਜੋੜੀ ਦੀ ਜ਼ਿੰਮੇਦਾਰੀ ਮੁਰਲੀ ਵਿਜੇ ਅਤੇ ਕੇ.ਐੱਲ. ਰਾਹੁਲ ਨੂੰ ਦਿੱਤੀ ਪਰ ਦੋਵਾਂ ਨੇ ਬਹੁਤ ਨਿਰਾਸ਼ ਕੀਤਾ। ਕੁਲ ਚਾਰ ਪਾਰੀਆਂ ‘ਚ ਉਨ੍ਹਾਂ ਨੇ 3,63,6 ਅਤੇ 0 ਦੀ ਸਾਂਝੇਦਾਰੀ ਨਿਭਾਈ। ਜਿਸਦੀ ਵਜ੍ਹਾ ਨਾਲ ਦੋਵਾਂ ਦੀ ਖੂਬ ਆਲੋਚਨਾ ਹੋਈ ਹੈ। ਉਮੀਦ ਕੀਤੀ ਜਾ ਰਹੀ ਸੀ ਕਿ ਤੀਜੇ ਟੈਸਟ ‘ਚ ਪ੍ਰਿਥਵੀ ਸ਼ਾਅ ਓਪਨਿੰਗ ਦਾ ਜ਼ਿੰਮਾ ਸੰਭਾਲਣਗੇ। ਪਰ ਸੱਟ ਲੱਗਣ ਦੀ ਵਜ੍ਹਾ ਨਾਲ ਉਹ ਪੂਰੀ ਟੈਸਟ ਸੀਰੀਜ਼ ਤੋਂ ਬਾਹਰ ਹੋ ਗਏ ਹਨ। ਉਨ੍ਹਾਂ ਦੀ ਜਗ੍ਹਾ ਚੋਣਕਰਤਾਵਾਂ ਨੇ ਮਯੰਕ ਅਗਰਵਾਲ ਨੂੰ ਭਾਰਤ ਤੋਂ ਆਸਟ੍ਰੇਲੀਆ ਭੇਜਿਆ ਹੈ, ਮੇਲਬੋਰਨ ‘ਚ ਮਾਯੰਕ ਆਪਣਾ ਡੈਬਿਊ ਕਰ ਸਕਦੇ ਹਨ। ਮਾਂਜਰੇਕਰ ਨੇ ਹਨੁਮਾ ਬਿਹਾਰੀ ਦੀ ਪਰਥ ‘ਚ ਖੇਡੀ ਪਾਰੀ ਲਈ ਤਾਰੀਫ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਟੀਮ ਇੰਡੀਆ ਡੈਬਿਊ ਨੂੰ ਲੈ ਕੇ ਰਿਸਕ ਨਹੀਂ ਲੈਣਾ ਚਾਹੁੰਦੀ ਤਾਂ ਹਨੁਮਾ ਬਿਹਾਰੀ ਤੋਂ ਓਪਨਿੰਗ ਕਰਵਾਈ ਜਾ ਸਕਦੀ ਹੈ। ਉਨ੍ਹਾਂ ਕਿਹਾ ‘ਇਹ ਆਸਟ੍ਰੇਲੀਆ ਦੀ ਕੰਡੀਸ਼ਨ ਹੈ ਜਦੋਂ ਤੁਸੀਂ ਹਨੁਮਾ ਬਿਹਾਰੀ ਨੂੰ ਬੱਲੇਬਾਜ਼ੀ ਕਰਦੇ ਦੇਖਦੇ ਹੋ ਤਾਂ ਤੁਹਾਨੂੰ ਲੱਗਦਾ ਹੈ ਕਿ ਇਸ ਖਿਡਾਰੀ ਕੋਲ ਚੰਗੀ ਤਕਨੀਕ ਹੈ। ਉਹ ਜ਼ਿਆਦਾਤਰ ਸ਼ਾਟ ਸਟ੍ਰੇਟ ਵਿਕਟ ਦੇ ਸਾਹਮਣੇ ਲਗਾਉਂਦੇ ਹਨ ਅਤੇ ਕਾਫੀ ਸ਼ਾਂਤ ਦਿਖਾਈ ਦਿੰਦੇ ਹਨ। ਉਹ ਇਕ ਅਜਿਹੇ ਬੱਲੇਬਾਜ਼ ਹਨ ਜਿਨ੍ਹਾਂ ‘ਚ 1,2,3 ਨੰਬਰ ‘ਤੇ ਬੱਲੇਬਾਜ਼ੀ ਕਰਵਾਈ ਜਾ ਸਕਦੀ ਹੈ। ਇਸ ਲਈ ਹਨੁਮਾ ਤੋਂ ਟਾਪ ਆਰਡਰ ‘ਚ ਬੱਲੇਬਾਜ਼ੀ ਕਰਵਾਈ ਜਾ ਸਕਦੀ ਹੈ।