ਹਰਮਨਪ੍ਰੀਤ ਅਤੇ ਟੇਲਰ ਦੇ ਅਰਧ ਸੈਂਕੜਿਆਂ ਨਾਲ ਥੰਡਰ ਨੂੰ ਮਿਲੀ ਜਿੱਤ

ਨਵੀਂ ਦਿੱਲੀ – ਸਲਾਮੀ ਬੱਲੇਬਾਜ਼ ਸਟੇਫਨੀ ਟੇਲਰ (55) ਅਤੇ ਹਰਮਨਪ੍ਰੀਤ ਕੌਰ (52) ਦੀਆਂ ਅਰਧ ਸੈਂਕੜੇ ਵਾਲੀਆਂ ਪਾਰੀਆਂ ਦੇ ਦਮ ‘ਤੇ ਸਿਡਨੀ ਥੰਡਰ ਨੇ ਐਡੀਲੇਡ ਸਟ੍ਰਾਈਕਰਸ ਨੂੰ 5 ਵਿਕਟਾਂ ਨਾਲ ਹਰਾ ਕੇ ਮਹਿਲਾ ਬੀਗ ਬੈਸ਼ ਲੀਗ (ਡਬਲਯੂ.ਬੀ.ਬੀ.ਐੱਲ.) ‘ਚ ਆਪਣੀ ਚੌਥੀ ਜਿੱਤ ਦਰਜ ਕੀਤੀ। ਐਡੀਲੇਡ ਸਟ੍ਰਾਈਕਰਸ ਵੱਲੋਂ 20 ਓਵਰਾਂ ‘ਚ ਰੱਖੇ ਗਏ 146 ਦੌੜਾਂ ਦੀ ਟੀਚੇ ਦਾ ਪਿੱਛਾ ਕਰਨ ਉਤਰੀ ਸਿਡਨੀ ਥੰਡਰਸ ਟੀਮ ਨੇ 18.2 ਓਵਰ ‘ਚ 5 ਵਿਕਟਾਂ ‘ਤੇ 146 ਦੌੜਾਂ ਬਣਾਈਆਂ। ਸਿਡਨੀ ਥੰਡਰਸ ਵੱਲੋਂ ਸਟੇਫਨੀ ਟੇਲਰ ਨੇ ਆਪਣੀ ਅਰਥ ਸੈਂਕੜੇ ਵਾਲੀ ਪਾਰੀ ‘ਚ 42 ਗੇਂਦਾਂ ‘ਚ 4 ਚੌਕੇ ਅਤੇ 3 ਛੱਕੇ ਲਾਏ। ਜਦਕਿ ਹਰਮਨਪ੍ਰੀਤ ਨੇ 34 ਗੇਂਦਾਂ ‘ਤੇ 6 ਚੌਕੇ ਅਤੇ 2 ਛੱਕੇ ਲਗਾ ਕੇ 52 ਦੌੜਾਂ ਦੀ ਪਾਰੀ ਖੇਡੀ।ਕਪਤਾਨ ਐਲੇਕਸ ਬਲੈਕਵੇਲ ਨੇ 22 ਗੇਂਦਾਂ ‘ਤੇ 27 ਦੌੜਾਂ ਦੀ ਪਾਰੀ ਖੇਡੀ। ਐਡੀਲੇਡ ਸਟ੍ਰਾਈਕਰਸ ਵੱਲੋਂ ਮੈਕਗ੍ਰਾ, ਹੇਜ਼ਲ, ਸ਼ਟ ਅਤੇ ਡਿਵਾਈਨ ਨੇ ਇਕ-ਇਕ ਵਿਕਟ ਲਿਆ। ਇਸ ਤੋਂ ਪਹਿਲਾਂ ਸਿਡਨੀ ਥੰਡਰਸ ਤੋਂ ਪਹਿਲਾਂ ਬੱਲੇਬਾਜ਼ੀ ਦਾ ਸੱਦਾ ਮਿਲਣ ‘ਤੇ ਐਡੀਲੇਡ ਨੇ 5 ਵਿਕਟਾਂ ‘ਤੇ 145 ਦੌੜਾਂ ਬਣਾਈਆਂ। ਉਸ ਵੱਲੋਂ ਬ੍ਰਿਜੇਟ ਪੈਟਰਸਨ ਨੇ 40 ਗੇਂਦਾਂ ‘ਤੇ ਅਜੇਤੂ 36 ਦੌੜਾਂ ਦੀ ਪਾਰੀ ਖੇਡੀ ਜਦਕਿ ਮੈਕਫਾਰਲਿਨ ਨੇ 23 ਗੇਂਦਾਂ ‘ਤੇ 29 ਦੌੜਾਂ ਬਣਾਈਆਂ।