ਹਰਿਆਣਾ ਖੇਡ ਵਿਭਾਗ ਨੇ ਖਿਡਾਰੀਆਂ ਤੋਂ ਵੱਖ-ਵੱਖ ਆਸਾਮੀਆਂ ‘ਤੇ ਨਿਯੁਕਤੀ ਲਈ ਬਿਨੈ ਮੰਗੇ – ਖੇਡ ਮੰਤਰੀ

ਚੰਡੀਗੜ – ਹਰਿਆਣਾ ਦੇ ਖੇਡ ਮੰਤਰੀ ਅਨਿਲ ਵਿਜ ਨੇ ਕਿਹਾ ਕਿ ਖੇਡਾਂ ਵਿਚ ਕੌਮੀ ਅਤੇ ਕੌਮਾਂਤਰੀ ਪੱਧਰ ‘ਤੇ ਵਧੀਆ ਪ੍ਰਦਰਸ਼ਨ ਕਰਨ ਵਾਲੇ ਖਿਡਾਰੀਆਂ ਤੋਂ ਵੱਖ-ਵੱਖ ਆਸਾਮੀਆਂ ‘ਤੇ ਨਿਯੁਕਤੀ ਲਈ ਬਿਨੈ ਮੰਗੇ ਹਨ| ਇਸ ਦੇ ਬਿਨੈ ਲਈ ਕੌਮੀ ਪੱਧਰ ‘ਤੇ ਹਰਿਆਣਾ ਵੱਲੋਂ ਖੇਲਣ ਜਾਂ ਹਰਿਆਣਾ ਦੇ ਮੂਲ ਵਾਸੀ ਖਿਡਾਰੀ ਹੀ ਯੋਗ ਮੰਨੇ ਜਾਣਗੇ| ਖੇਡ ਮੰਤਰੀ ਨੇ ਕਿਹਾ ਕਿ ਇਸ ਲਈ ਉਲੰਪਿਕ, ਪੈਰਾਲੰਪਿਕ, ਗੰਗੂ ਉਲੰਪਿਕ, ਵਿਸ਼ੇਸ਼ ਉਲੰਪਿਕ, ਏਸ਼ਿਅਨ, ਪੈਰਾ-ਏਸ਼ਿਅਨ, ਰਾਸ਼ਟਰਮੰਡਲ, ਪੈਰਾ-ਰਾਸ਼ਟਰਮੰਡਲ ਤੇ ਇਕ, ਦੋ ਤੇ ਚਾਰ ਸਾਲਾਂ ਵਿਚ ਇਕ ਵਾਰ ਹੋਣ ਵਾਲੀ ਵਿਸ਼ਵ ਮੁਕਾਬਲੇ, ਆਈ.ਬੀ.ਐਸ.ਏ., ਵਿਸ਼ਵ ਖੇਡ, ਯੂਨੀਵਰਸਿਟੀਆਂ ਦੇ ਵਿਸ਼ਵ ਪੱਧਰੀ ਖਡੇ ਅਤੇ ਇਕ, ਦੋ ਤੇ ਚਾਰ ਸਾਲਾਂ ਵਿਚ ਇਕ ਵਾਰ ਹੋਣ ਵਾਲੀ ਏਸ਼ਿਅਨ ਤੇ ਰਾਸ਼ਟਰ ਮੰਡਲ ਮੁਕਾਬਲੇ ਦੇ ਸੀਨੀਅਰ ਖਿਡਾਰੀ ਬਿਨੈ ਕਰ ਸਕਦੇ ਹਨ| ਇਸ ਲਈ ਕੌਮੀ ਪੱਧਰ ‘ਤੇ ਦੂਜੇ ਸੂਬਿਆਂ ਜਾਂ ਕੇਂਦਰ ਸ਼ਾਸਿਤ ਸੂਬਿਆਂ ਤੋਂ ਖੇਡਣ ਵਾਲੇ ਖਿਡਾਰੀ ਯੋਗ ਨਹੀਂ ਮੰਨੇ ਜਾਣਗੇ| ਸ੍ਰੀ ਵਿਜ ਨੇ ਦਸਿਆ ਕਿ ਖਿਡਾਰੀਆਂ ਦੇ ਬਿਨੈ ਪ੍ਰਾਪਤ ਦੀ ਮਿਤੀ ‘ਤੇ ਵੱਧ ਤੋਂ ਵੱਧ ਉਮਰ 50 ਸਾਲ ਅਤੇ ਘੱਟੋਂ ਘੱਟ ਉਮਰ ਹਰਿਆਣਾ ਸਰਕਾਰ ਦੇ ਨਿਯਮਾਨੁਸਾਰ ਹੋਣੀ ਚਾਹੀਦੀ ਹੈ| ਖਿਡਾਰੀਆਂ ਨੂੰ ਚਾਹੀਦਾ ਹੈ ਕਿ ਉਹ ਆਪਣੇ ਬਿਨੈ ਕੌਮੀ ਖੇਡ ਫੈਡਰੇਂਸ਼ਨ ਰਾਹੀਂ ਭੇਜ ਸਕਦੇ ਹਨ, ਜਿੰਨਾਂ ‘ਤੇ ਫੈਡਰੇਸ਼ਨ ਦੇ ਚੇਅਰਮੈਨ ਜਾਂ ਮਹਾਸਕੱਤਰ ਦੇ ਹਸਤਾਖਰ ਹੋਣਾ ਲਾਜਿਮੀ ਹਨ| ਇਸ ਲਈ ਸਿੰਗਲ ਖਿਡਾਰੀਆਂ ਨੂੰ ਫਾਰਮ-1 ਅਤੇ ਟੀਮ ਵਿਚ ਖੇਡਣ ਵਾਲੇ ਖਿਡਾਰੀ ਫਾਰਮ-2 ਵਿਚ ਬਿਨੈ ਕਰ ਸਕਦੇ ਹਨ| ਬਿਨੈ ਫਾਰਮ ਪੂਰੀ ਤਰਾਂ ਭਰੇ ਅਤੇ ਖਿਡਾਰੀਆਂ ਦੇ ਹਸਤਾਖਰ ਵਾਲੇ ਹੋਣੇ ਚਾਹੀਦੇ ਹਨ| ਇਸ ਲਈ ਖਿਡਾਰੀਆਂ ਆਪਣੇ ਬਿਨੈ ਡਾਇਰੈਕਟਰ, ਖੇਡ ਤੇ ਯੁਵਾ ਮਾਮਲੇ ਵਿਭਾਗ ਕੋਲ ਭੇਜ ਸਕਦੇ ਹਨ| ਇਸ ਸਬੰਧ ਵਿਚ ਵਧੇਰੇ ਜਾਣਕਾਰੀ ਵਿਭਾਗ ਦੀ ਵੈਬਸਾਇਟ www.haryanasports.gov.in’ਤੇ ਪ੍ਰਾਪਤ ਕਰ ਸਕਦੇ ਹਨ|