ਕਿੰਗਜ਼ ਇਲੈਵਨ ਵਿੱਚ ਪੰਜਾਬ ਲਈ ਅਹਿਮ ਸਾਬਤ ਹੋਣਗੇ ਸ਼ਮੀ : ਕੁੰਬਲੇ

ਨਵੀਂ ਦਿੱਲੀ – ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਅਨਿਲ ਕੁੰਬਲੇ ਨੇ ਕਿਹਾ ਕਿ ਕਿੰਗਜ਼ ਇਲੈਵਨ ਪੰਜਾਬ ਦਾ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ.ਪੀ.ਐਲ.) ਦੇ 12ਵੇਂ ਸੀਜ਼ਨ ਲਈ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੂੰ ਖਰੀਦਣ ਦਾ ਫੈਸਲਾ ਅਹਿਮ ਸਾਬਤ ਹੋਵੇਗਾ| ਸ਼ਮੀ ਨੂੰ ਪੰਜਾਬ ਨੇ ਮੰਗਲਵਾਰ ਨੂੰ ਨਿਲਾਮੀ ਵਿੱਚ 4.8 ਕਰੋੜ ਰੁਪਏ ਵਿੱਚ ਆਪਣੇ ਨਾਲ ਜੋੜਿਆ ਹੈ| ਉਨ੍ਹਾਂ ਲਈ ਮੌਜੂਦਾ ਜੇਤੂ ਚੇਨਈ ਸੁਪਰਕਿੰਗਜ਼ ਅਤੇ ਪੰਜਾਬ ਨੇ ਬੋਲੀ ਲਾਈ ਸੀ ਅਤੇ ਅੰਤ ਵਿੱਚ ਪੰਜਾਬ ਬਾਜ਼ੀ ਮਾਰ ਲੈ ਗਿਆ| ਕੁੰਬਲੇ ਨੇ ਪੱਤਰਕਾਰਾਂ ਨੂੰ ਕਿਹਾ,”ਉਹ ਸ਼ਾਨਦਾਰ ਤੇਜ਼ ਗੇਂਦਬਾਜ਼ਾਂ ਵਿੱਚੋਂ ਇਕ ਹਨ ਅਤੇ ਪੰਜਾਬ ਦੀ ਟੀਮ ਨੂੰ ਇਸ ਤਰ੍ਹਾਂ ਦੇ ਗੇਂਦਬਾਜ਼ ਦੀ ਜ਼ਰੂਰਤ ਸੀ|” ਸ਼ਮੀ ਨੂੰ ਹਾਸਲ ਨਾ ਕਰਨ ਦੇ ਬਾਅਦ ਚੇਨਈ ਨੇ ਮੋਹਿਤ ਸ਼ਰਮਾ ਨੂੰ ਲੈ ਕੇ ਦਾਅ ਖੇਡਿਆ ਅਤੇ ਪੰਜ ਕਰੋੜ ਵਿੱਚ ਉਨ੍ਹਾਂ ਨੂੰ ਆਪਣੇ ਨਾਲ ਜੋੜਿਆ| ਕੁੰਬਲੇ ਨੇ ਇਸ ਤੇ ਕਿਹਾ, ”ਚੇਨਈ ਨੇ ਇਹ ਚੰਗੀ ਖਰੀਦਾਰੀ ਕੀਤੀ ਹੈ| ਮੋਹਿਤ ਸ਼ਰਮਾ ਸਾਰੀਆਂ ਪਰਿਸਥਿਤੀਆਂ ਵਿੱਚ ਗੇਂਦਬਾਜ਼ੀ ਕਰ ਸਕਦੇ ਹਨ ਅਤੇ ਉਹ ਪੇਸ ਵਿੱਚ ਵੀ ਚੰਗਾ ਬਦਲਾਅ ਕਰਦੇ ਹਨ| ਨਾਲ ਹੀ ਉਹ ਚੰਗੇ ਫੀਲਡਰ ਵੀ ਹਨ|”.