ਭਾਰਤ ਖਿਲਾਫ ਦੂਜੇ ਟੈਸਟ ‘ਚੋਂ ਬਾਹਰ ਹੋਏ ਸਟੋਕਸ

ਲੰਡਨ – ਇੰਗਲੈਂਡ ਕ੍ਰਿਕਟ ਟੀਮ ਦੇ ਸਟਾਰ ਆਲ-ਰਾਊਂਡਰ ਬੈਨ ਸਟੋਕਸ ‘ਤੇ ਪਿਛਲੇ ਸਾਲ ਆਈ ਬ੍ਰਿਸਟਲ ਕਾਂਡ ਦੀ ਮੁਸੀਬਤ ਨੇ ਅਜੇ ਤੱਕ ਉਸ ਦਾ ਪਿੱਛਾ ਨਹੀਂ ਛੱਡਿਆ। ਪਿਛਲੇ ਸਾਲ ਸਟੋਕਸ ਨੇ ਬ੍ਰਿਸਟਲ ‘ਚ ਰਾਤ ਦੇ ਸਮੇਂ ਕੁੱਟ-ਮਾਰ ਕੀਤੀ ਸੀ ਜਿਸ ਦੇ ਬਾਅਦ ਉਸ ਨੂੰ ਕਈ ਮਹੀਨਿਆ ਤੱਕ ਇੰਗਲਿਸ਼ ਟੀਮ ਤੋਂ ਬਾਹਰ ਕਰ ਦਿੱਤਾ ਗਿਆ ਸੀ। ਲੰਬੇ ਸਮੇਂ ਬਾਅਦ ਵਾਪਸੀ ਕਰ ਕੇ ਟੀਮ ‘ਚ ਆਪਣੀ ਪੱਕੀ ਜਗ੍ਹਾ ਬਣਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਟੋਕਸ ਨੂੰ ਬ੍ਰਿਸਟਲ ਮਾਮਲੇ ਕਾਰਨ ਇਕ ਵਾਰ ਫਿਰ ਭਾਰਤ ਖਿਲਾਫ ਖੇਡੇ ਜਾਣ ਵਾਲੇ ਦੂਜੇ ਟੈਸਟ ਮੈਚ ‘ਚ ਬਾਹਰ ਹੋਣਾ ਪੈ ਸਕਦਾ ਹੈ। ਇਸ ਪੰਜ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਦੂਜਾ ਮੈਚ 9 ਅਗਸਤ ਤੋਂ 13 ਅਗਸਤ ਤੱਕ ਲਾਰਡਸ ਦੇ ਮੈਦਾਨ ‘ਤੇ ਖੇਡਿਆ ਜਾਣਾ ਹੈ। ਇੰਗਲਿਸ਼ ਕ੍ਰਿਕਟ ਬੋਰਡ ਵੀ ਦੂਜੇ ਟੈਸਟ ਲਈ ਸਟੋਕਸ ਦੀ ਜਗ੍ਹਾ ਬਦਲ ਲੱਭ ਰਹੀ ਹੈ।
ਬ੍ਰਿਸਟਲ ਕਾਂਡ ਨੂੰ ਲੈ ਕੇ 6 ਅਗਸਤ ਨੂੰ ਹੈ ਸੁਣਵਾਈ
ਪਹਿਲਾ ਟੈਸਟ ਮੈਚ ਖਤਮ ਹੋਣ ਦੇ ਅਗਲੇ ਹੀ ਦਿਨ 6 ਅਗਸਤ ਨੂੰ ਬ੍ਰਿਸਟਲ ਮਾਮਲੇ ਦੀ ਸੁਣਵਾਈ ‘ਚ ਬੈਨ ਸਟੋਕਸ ਨੂੰ ਪੇਸ਼ ਹੋਣਾ ਹੈ। ਕ੍ਰਿਕ ਇਨਫੋ ਦੀ ਰਿਪੋਰਟ ਮੁਤਾਬਕ ਇਸ ਸਟਾਰ ਖਿਡਾਰੀ ਨੂੰ ਬ੍ਰਿਸਟਲ ਮਾਮਲੇ ਨੂੰ ਲੈ ਕੇ 6 ਅਗਸਤ ਨੂੰ ਕੋਰਟ ‘ਚ ਪੇਸ਼ ਹੋਣਾ ਹੈ ਪਰ ਜੇਕਰ ਕਿਸੇ ਕਾਰਨ ਇਹ ਸੁਣਵਾਈ ਮੁਅੱਤਲ ਹੁੰਦੀ ਹੈ ਤਾਂ ਇੰਗਲਿਸ਼ ਟੀਮ ਮੈਨੇਜਮੈਂਟ ਸਟੋਕਸ ਨੂੰ ਫਿਰ ਤੋਂ ਸ਼ਾਮਲ ਕਰਨ ‘ਤੇ ਵਿਚਾਰ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਰਿਪੋਰਟ ‘ਚ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਸੁਣਵਾਈ ਉਂਝ ਤਾਂ 6 ਅਗਸਤ ਨੂੰ ਹੋਣੀ ਹੈ, ਪਰ ਇਸ ਸੁਣਵਾਈ ਨੂੰ ਅਗਲੇ ਦਿਨ ਯਾਨੀ 7 ਅਗਸਤ ਤੱਕ ਕਿਸੇ ਕਾਰਣ ਵਧਾਏ ਜਾਣ ‘ਤੇ ਇੰਗਲੈਂਡ ਕ੍ਰਿਕਟ ਬੋਰਡ ਸਟੋਕਸ ਨੂੰ ਲਾਰਡਸ ਟੈਸਟ ਖਿਡਾਉਣ ਦੇ ਆਪਣੇ ਵਿਚਾਰ ਨੂੰ ਖਤਮ ਕਰ ਦੇਵੇਗੀ।