ਤੇਂਦੁਲਕਰ ਵੱਲੋਂ ਕਮੈਂਟੇਟਰ ਵਜੋਂ ਨਵੀਂ ਪਾਰੀ ਸ਼ੁਰੂ

ਮੁੰਬਈ – ਚੈਂਪੀਅਨ ਕ੍ਰਿਕਟਰ ਸਚਿਨ ਤੇਂਦੁਲਕਰ ਨੇ ਆਈਸੀਸੀ ਵਿਸ਼ਵ ਕੱਪ ਦੌਰਾਨ ਟੀਵੀ ਕਮੈਂਟੇਟਰ ਵਜੋਂ ਆਪਣੇ ਕਰੀਅਰ ਦੀ ਨਵੀਂ ਪਾਰੀ ਦਾ ਆਗਾਜ਼ ਅੱਜ ਇੱਥੇ ਇੰਗਲੈਂਡ ਅਤੇ ਦੱਖਣੀ ਅਫਰੀਕਾ ਵਿਚਾਲੇ ਪਹਿਲੇ ਮੈਚ ਨਾਲ ਸ਼ੁਰੂ ਕਰ ਦਿੱਤਾ। ਉਹ ਸਟਾਰ ਸਪੋਰਟਸ ’ਤੇ ਮੈਚ ਤੋਂ ਪਹਿਲਾਂ ਹੋਣ ਵਾਲੇ ਸ਼ੋਅ ਵਿੱਚ ਕਮੈਂਟੇਟਰ ਦੇ ਪੈਨਲ ਵਿੱਚ ਹੈ। ਉਸ ਦਾ ਆਪਣਾ ਖ਼ਾਸ ਪ੍ਰੋਗਰਾਮ ‘ਸਚਿਨ ਓਪਨਜ਼ ਅਗੇਨ’ ਹੋਵੇਗਾ। ਭਾਰਤ ਲਈ ਛੇ ਵਿਸ਼ਵ ਕੱਪ ਖੇਡ ਚੁੱਕੇ 46 ਸਾਲ ਦੇ ਤੇਂਦੁਲਕਰ ਨੇ 2003 ਵਿੱਚ 673 ਦੌੜਾਂ ਬਣਾਈਆਂ ਸਨ, ਜੋ ਇੱਕ ਰਿਕਾਰਡ ਹੈ। ਭਾਰਤ ਨੇ ਪਹਿਲਾ ਮੈਚ ਪੰਜ ਜੂਨ ਨੂੰ ਦੱਖਣੀ ਅਫਰੀਕਾ ਨਾਲ ਖੇਡਣਾ ਹੈ।