ਟਰੰਪ ਨੇ ਕੈਵਨਾਗ ਖਿਲਾਫ ਐੱਫ.ਬੀ.ਆਈ. ਜਾਂਚ ਦੇ ਆਦੇਸ਼ ਦਿੱਤੇ

ਵਾਸ਼ਿੰਗਟਨ – ਡੈਮੋਕ੍ਰੇਟ ਮੈਂਬਰਾਂ ਦੀ ਮੰਗ ‘ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸੁਪਰੀਮ ਕੋਰਟ ਦੇ ਜੱਜ ਅਹੁਦੇ ਲਈ ਨਾਮਜ਼ਦ ਉਮੀਦਵਾਰ ਬ੍ਰੈਟ ਕੈਵਨਾਗ ਖਿਲਾਫ ਯੌਨ ਉਤਪੀੜਨ ਦੀ ਜਾਂਚ ਦੇ ਆਦੇਸ਼ ਦਿੱਤੇ ਹਨ। ਟਰੰਪ ਦੇ ਇਸ ਕਦਮ ਤੋਂ ਸੁਪਰੀਮ ਕੋਰਟ ਦੇ ਜੱਜ ਦੇ ਤੌਰ ‘ਤੇ ਕੈਵਨਾਗ ਦੀ ਨਿਯੁਕਤੀ ਨੂੰ ਮਿਲੀ ਸੀਨੇਟ ਦੀ ਮਨਜ਼ੂਰੀ ‘ਤੇ ਸ਼ੱਕ ਪੈਦਾ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਐੱਫ.ਬੀ.ਆਈ. ਨੂੰ ਇਕ ਹਫਤੇ ਦੇ ਅੰਦਰ ਜਾਂਚ ਪੂਰੀ ਕਰਨ ਲਈ ਕਿਹਾ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਸੁਪਰੀਮ ਦੇ ਜੱਜ ਅਹੁਦੇ ‘ਤੇ ਕੈਵਨਾਗ ਦੀ ਨਿਯੁਕਤੀ ਤੋਂ ਕਰੀਬ ਇਕ ਹਫਤੇ ਦੀ ਦੇਰੀ ਹੋਵੇਗੀ। ਡੋਨਾਲਡ ਟਰੰਪ ਨੇ ਸ਼ੁੱਕਰਵਾਰ ਨੂੰ ਐਲਾਨ ਕੀਤਾ, ”ਮੈਂ ਐੱਫ.ਬੀ.ਆਈ ਨੂੰ ਮਾਮਲੇ ਦੀ ਜਾਂਚ ਪੂਰੀ ਕਰਨ ਦੇ ਆਦੇਸ਼ ਦਿੱਤੇ ਹਨ। ਜਿਵੇਂ ਸੀਨੇਟ ਨੇ ਅਪੀਲ ਕੀਤੀ ਸੀ ਕਿ ਇਹ ਜਾਂਚ ਇਕ ਹਫਤੇ ਦੇ ਅੰਦਰ ਪੂਰੀ ਹੋਣੀ ਚਾਹੀਦੀ ਹੈ।”