ਥੈਰੇਸਾ ਮੇਅ ਅਹੁਦਾ ਛੱਡਣ ਲਈ ਤਿਆਰ, ਜੂਨ ਵਿੱਚ ਕਰੇਗੀ ਐਲਾਨ

ਲੰਡਨ – ਬ੍ਰਿਟੇਨ ਦੀ ਪ੍ਰਧਾਨ ਮੰਤਰੀ ਥੈਰੇਸਾ ਮੇਅ ਨੇ ਕੰਜ਼ਰਵੇਟਿਵ ਪਾਰਟੀ ਦੀ ਨੇਤਾ ਦੇ ਰੂਪ ਵਿਚ ਅਸਤੀਫਾ ਦੇਣ ਦੀ ਇਕ ਤਰੀਕ ਤੇ ਸਹਿਮਤੀ ਜ਼ਾਹਿਰ ਕਰ ਦਿੱਤੀ| ਇਸ ਦੇ ਨਾਲ ਹੀ ਡਾਊਨਿੰਗ ਸਟ੍ਰੀਟ ਤੇ ਇਕ ਨਵੇਂ ਨੇਤਾ ਦੇ ਆਉਣ ਦਾ ਰਸਤਾ ਸਾਫ ਹੋ ਗਿਆ ਹੈ| ਕੰਜ਼ਰਵੇਟਿਵ ਨੇਤਾ ਬੋਰਿਸ ਜੌਨਸਨ ਨੇ ਪ੍ਰਧਾਨ ਮੰਤਰੀ ਅਹੁਦੇ ਲਈ ਦਾਅਵਾ ਕਰ ਦਿੱਤਾ ਹੈ| ਪਾਰਟੀ ਦੇ ਸਾਂਸਦਾਂ (1922 ਕਮੇਟੀ) ਦੇ ਨਾਲ ਹੋਈ ਬੈਠਕ ਤੋਂ ਬਾਅਦ ਇਹ ਸਹਿਮਤੀ ਬਣੀ ਹੈ ਕਿ ਮੇਅ ਅਸਤੀਫਾ ਦੇਣ ਲਈ ਇਕ ਤਰੀਕ ਤੈਅ ਕਰੇਗੀ|ਮੇਅ ਇਹ ਕਦਮ ਚੌਥੀ ਵਾਰ ਹਾਊਸ ਆਫ ਕਾਮਨਜ਼ ਵਿਚ ਜੂਨ ਦੇ ਸ਼ੁਰੂ ਵਿਚ ਆਪਣੀ ਬ੍ਰੈਗਜ਼ਿਟ ਡੀਲ ਪੇਸ਼ ਕਰਨ ਤੋਂ ਬਾਅਦ ਚੁੱਕੇਗੀ| ਇਸ ਹਫਤੇ ਦੇ ਸ਼ੁਰੂ ਵਿਚ ਇਹ ਐਲਾਨ ਕੀਤਾ ਗਿਆ ਕਿ ਮੇਅ ਦਾ ਇਰਾਦਾ ਹੈ ਕਿ ਉਹ ਆਪਣੇ ਵਿਵਾਦਮਈ ਬ੍ਰੈਗਜ਼ਿਟ ਵਿਡ੍ਰਾਲ ਸਮਝੌਤਾ 3 ਜੂਨ ਨੂੰ ਹਾਊਸ ਆਫ ਕਾਮਨਜ਼ ਵਿਚ ਲਿਆਵੇਗੀ| ਇਸ ਡੀਲ ਨੂੰ 3 ਵਾਰ ਬ੍ਰਿਟੇਨ ਦੀ ਸੰਸਦ ਵਿਚ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ| ਹੁਣ ਚੌਥੀ ਵਾਰ 4 ਜੂਨ ਨੂੰ ਬ੍ਰਿਟਿਸ਼ ਸੰਸਦ ਵਿਚ ਪੇਸ਼ ਕੀਤਾ ਜਾਵੇਗਾ|