ਸਜ਼ਾ ਰੱਦ ਕਰਨ ਬਾਰੇ ਰਜਤ ਗੁਪਤਾ ਦੀ ਅਪੀਲ ਖਾਰਜ

ਨਿਊਯਾਰਕ – ਵਪਾਰਕ ਭੇਤ ਸਾਂਝੇ ਕਰਨ ਦੇ ਮਾਮਲੇ ਵਿਚ ਦੋਸ਼ੀ ਠਹਿਰਾਏ ਜਾ ਚੁੱਕੇ ਭਾਰਤ ਦੇ ਜੰਮਪਲ ਤੇ ਅਮਰੀਕਨ ਕੰਪਨੀ ਦੇ ਸਾਬਕਾ ਅਧਿਕਾਰੀ ਰਜਤ ਗੁਪਤਾ ਦੀ ਸਜ਼ਾ ਰੱਦ ਕਰਨ ਦੀ ਇਕ ਅਪੀਲ ਨੂੰ ਅਮਰੀਕੀ ਅਦਾਲਤ ਨੇ ਖ਼ਾਰਜ ਕਰ ਦਿੱਤਾ ਹੈ। ਅਦਾਲਤ ਨੇ ਕਿਹਾ ਕਿ ਉਨ੍ਹਾਂ ਗੁਪਤਾ ਦੀ ਅਪੀਲ ਦੇ ਸਾਰੇ ਪੱਖ ਵਿਚਾਰ ਲਏ ਹਨ ਤੇ ਇਨ੍ਹਾਂ ਵਿਚ ਕੁਝ ਠੋਸ ਨਹੀਂ ਹੈ। ਅਦਾਲਤ ਨੇ ਕਿਹਾ ਕਿ ਡਿਸਟ੍ਰਿਕਟ ਕੋਰਟ ਵੱਲੋਂ ਸੁਣਾਈ ਗਈ ਸਜ਼ਾ ਬਰਕਰਾਰ ਰਹੇਗੀ। ਗੁਪਤਾ (70) ਹਾਲਾਂਕਿ ਸਜ਼ਾ ਪਹਿਲਾਂ ਹੀ ਭੁਗਤ ਚੁੱਕੇ ਹਨ ਤੇ ਫ਼ਿਲਹਾਲ ਆਜ਼ਾਦ ਹਨ, ਪਰ ਆਪਣੀ ਅਪੀਲ ਵਿਚ ਉਨ੍ਹਾਂ ਦਾਅਵਾ ਕੀਤਾ ਸੀ ਕਿ ਉਨ੍ਹਾਂ ਨੂੰ ਉਸ ਕੰਮ ਦੀ ਸਜ਼ਾ ਮਿਲੀ ਜੋ ਅਪਰਾਧ ਦੀ ਸ਼੍ਰੇਣੀ ਵਿਚ ਆਉਂਦਾ ਹੀ ਨਹੀਂ।