ਸ਼੍ਰੀਲੰਕਾ ਵਿੱਚ ਹਨ ਆਈ. ਐਸ. ਨਾਲ ਜੁੜੇ 130 ਤੋਂ ਵੱਧ ਸ਼ੱਕੀ : ਸਿਰੀਸੇਨਾ

ਕੋਲੰਬੋ – ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਮੈਤਰੀਪਾਲ ਸਿਰੀਸੇਨਾ ਨੇ ਕਿਹਾ ਕਿ ਇਸਲਾਮਿਕ ਸਟੇਟ (ਆਈ. ਐਸ.) ਅੱਤਵਾਦੀ ਸਮੂਹ ਨਾਲ ਜੁੜੇ 130 ਤੋਂ ਵੱਧ ਸ਼ੱਕੀ ਸ਼੍ਰੀਲੰਕਾ ਵਿਚ ਸਰਗਰਮ ਹਨ| ਈਸਟਰ ਦੇ ਪਵਿੱਤਰ ਦਿਹਾੜੇ ਤੇ ਸ਼੍ਰੀਲੰਕਾ ਵਿਚ ਹੋਏ ਧਮਾਕਿਆਂ ਦੀ ਜ਼ਿੰਮੇਵਾਰੀ ਆਈ. ਐਸ. ਨੇ ਹੀ ਲਈ ਹੈ| ਇਨ੍ਹਾਂ ਬੰਬ ਧਮਾਕਿਆਂ ਵਿਚ 253 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ| ਸਿਰੀਸੇਨਾ ਨੇ ਕਿਹਾ,”ਸੂਚਨਾ ਇਹ ਹੈ ਕਿ ਅੱਤਵਾਦੀ ਨੈਟਵਰਕ ਨਾਲ ਜੁੜੇ 130 ਤੋਂ 140 ਆਈ. ਐਸ. ਸ਼ੱਕੀ ਸ਼੍ਰੀਲੰਕਾ ਵਿਚ ਹਨ| ਇਨ੍ਹਾਂ ਵਿਚੋਂ ਕਰੀਬ 70 ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ| ਅਸੀਂ ਜਲਦੀ ਹੀ ਸਾਰਿਆਂ ਨੂੰ ਗ੍ਰਿਫਤਾਰ ਕਰ ਲਵਾਂਗੇ|