ਔਰਤਾਂ ਵਿੱਚੋਂ ਕ੍ਰਿਸਟੀਨਾ ਨੇ ਬਣਾਇਆ ਪੁਲਾੜ ਸਟੇਸ਼ਨ ਵਿੱਚ ਜ਼ਿਆਦਾ ਸਮਾਂ ਰਹਿਣ ਦਾ ਰਿਕਾਰਡ

ਵਾਸ਼ਿੰਗਟਨ – ਨਾਸਾ ਦੀ ਪੁਲਾੜ ਯਾਤਰੀ ਕ੍ਰਿਸਟੀਨਾ ਕੋਚ ਇਕ ਨਵਾਂ ਰਿਕਾਰਡ ਬਣਾਉਣ ਦੀ ਤਿਆਰੀ ਵਿਚ ਹੈ| ਕ੍ਰਿਸਟੀਨਾ ਦੀ ਪੁਲਾੜ ਮੁਹਿੰਮ ਦੀ ਮਿਆਦ ਵਿੱਚ ਵਿਸਥਾਰ ਹੋਣ ਦੇ ਨਾਲ ਹੁਣ ਉਹ ਪੁਲਾੜ ਸਟੇਸ਼ਨ ਵਿਚ 328 ਦਿਨ ਬਿਤਾਉਣ ਦਾ ਇਕ ਨਵਾਂ ਰਿਕਾਰਡ ਬਣਾਉਣ ਲਈ ਤਿਆਰ ਹੈ| ਕਿਸੇ ਵੀ ਮਹਿਲਾ ਵੱਲੋਂ ਪੁਲਾੜ ਸਟੇਸ਼ਨ ਵਿਚ ਬਿਤਾਇਆ ਗਿਆ ਇਹ ਸਭ ਤੋਂ ਜ਼ਿਆਦਾ ਸਮਾਂ ਹੋਵੇਗਾ| ਕ੍ਰਿਸਟੀਨਾ 14 ਮਾਰਚ ਨੂੰ ਪੁਲਾੜ ਸਟੇਸ਼ਨ ਪਹੁੰਚੀ ਸੀ ਅਤੇ ਹੁਣ ਤਿਆਰ ਸਮਾਂ ਸਾਰਣੀ ਮੁਤਾਬਕ ਉਹ ਫਰਵਰੀ 2020 ਤੱਕ ਉੱਥੇ ਰਹੇਗੀ|ਇਸ ਤੋਂ ਪਹਿਲਾਂ ਸਾਲ 2016-17 ਵਿਚ ਪੁਲਾੜ ਯਾਤਰੀ ਪੈਗੀ ਵ੍ਹੀਟਸਨ ਨੇ 288 ਦਿਨ ਪੁਲਾੜ ਸਟੇਸ਼ਨ ਵਿਚ ਬਿਤਾਉਣ ਦਾ ਰਿਕਾਰਡ ਬਣਾਇਆ ਸੀ| ਪੁਰਸ਼ਾਂ ਵਿਚ ਸਭ ਤੋਂ ਵੱਧ 340 ਦਿਨ ਸਕੌਟ ਕੇਲੀ ਨੇ ਪੁਲਾੜ ਸਟੇਸ਼ਨ ਵਿੱਚ ਬਿਤਾਏ ਹਨ| ਇਹ ਰਿਕਾਰਡ ਸਾਲ 2015-16 ਵਿਚ ਬਣਾਇਆ ਗਿਆ ਸੀ| ਨਾਸਾ ਅਤੇ ਉਸ ਦੇ ਆਈ.ਐਸ.ਐਸ. ਸਹਿਯੋਗੀ ਨੇ ਭਵਿੱਖ ਲਈ ਨਵੀਂ ਸਮਾਂ ਸੂਚੀ ਅਤੇ ਨਵੇਂ ਚਾਲਕ ਦਲ ਲਈ ਪ੍ਰੋਗਰਾਮ ਤੈਅ ਕੀਤਾ ਹੈ| ਜਿਸ ਮੁਤਾਬਕ ਨਾਸਾ ਦੀ ਪੁਲਾੜ ਯਾਤਰੀ ਜੇਸਿਕਾ ਮੇਅਰ ਆਪਣੀ ਪਹਿਲੀ ਯਾਤਰਾ ਤੇ ਜਾਵੇਗੀ ਅਤ ਨਾਸਾ ਦੇ ਪੁਲਾੜ ਯਾਤਰੀ ਐਂਡੂ ਮੋਗਰਨ ਦੀ ਯਾਤਰਾ ਵਿਚ ਵਿਸਥਾਰ ਕੀਤਾ ਜਾਵੇਗਾ|