ਪੁਲਿਸ ਵੱਲੋਂ 200 ਲੀਟਰ ਨਾਜਾਇਜ਼ ਸ਼ਰਾਬ-10 ਹਜ਼ਾਰ ਲੀਟਰ ਲਾਹਣ ਤੇ 2 ਚਾਲੂ ਭੱਠੀਆਂ ਬਰਾਮਦ

ਜਗਰਾਉਂ – ਸੀਨੀਅਰ ਪੁਲਿਸ ਕਪਤਾਨ ਜਲਧਰ ਦਿਹਾਤੀ ਨਵਜੋਤ ਸਿੰਘ ਮਾਹਲ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਪੁਲਿਸ ਕਪਤਾਨ ਇੰਨ: ਰਾਜਵੀਰ ਸਿੰਘ ਅਤੇ ਡੀ. ਐਸ. ਪੀ. ਲਖਵੀਰ ਸਿੰਘ ਦੀ ਅਗਵਾਈ ਹੇਠ ਨਸ਼ਾ ਸਮੱਗਲਰਾਂ ਅਤੇ ਮਾੜੇ ਅਨਸਰਾਂ ਵਿਰੁੱਧ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਮੁੱਖ ਅਫ਼ਸਰ ਥਾਣਾ ਮਹਿਤਪੁਰ ਸੁਰਿੰਦਰ ਕੁਮਾਰ ਦੀਆਂ ਹਦਾਇਤਾਂ ਅਨੁਸਾਰ ਏ. ਐਸ. ਆਈ. ਬਲਜੀਤ ਸਿੰਘ ਥਾਣਾ ਮਹਿਤਪੁਰ ਦੀ ਪੁਲਿਸ ਟੀਮ ਨੇ ਮੁਖਬਰ ਖਾਸ ਦੀ ਇਤਲਾਹ ’ਤੇ ਚਾਲੂ ਭੱਠੀਆਂ, ਨਜਾਇਜ਼ ਸ਼ਰਾਬ ਅਤੇ ਲਾਹਣ ਬਰਾਮਦ ਕਰਕੇ ਵੱਡੀ ਸਫ਼ਲਤਾ ਹਾਸਿਲ ਕੀਤੀ। ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਡੀ. ਐਸ. ਪੀ. ਲਖਵੀਰ ਸਿੰਘ ਨੇ ਦੱਸਿਆ ਕਿ ਏ. ਐਸ. ਆਈ. ਬਲਜੀਤ ਸਿੰਘ ਥਾਣਾ ਮਹਿਤਪੁਰ ਸਮੇਤ ਪੁਲਿਸ ਪਾਰਟੀ ਸਮੇਤ ਮੁੱਖ ਅਫ਼ਸਰ ਇੰਸ ਸੁਰਿੰਦਰ ਕੁਮਾਰ ਥਾਣਾ ਮਹਿਤਪੁਰ ਦੌਰਾਨੇ ਗਸ਼ਤ ਮੁਖਬਰ ਖਾਸ ਦੀ ਇਤਲਾਹ ’ਤੇ ਸੁਨੀਤਾ ਚੌਧਰੀ ਈ.ਟੀ.ਓ, ਅੰਜਲੀ ਸੇਖੜੀ ਈ.ਟੀ.ਓ, ਅਵਨੀਤ ਭੋਗਲ ਈ. ਟੀ. ਓ. ਤੇ ਉਨ੍ਹਾਂ ਦੇ ਹੋਰ ਕਰਮਚਾਰੀਆਂ ਸਮੇਤ ਬੰਨ ਦਰਿਆ ਸਤਲੁਜ ਬਾ-ਹੱਦ ਰਕਬਾ ਪਿੰਡ ਸਤਲੁਜ ਪਿੰਡ ਛੋਹਲੇ ’ਚ ਸਰਚ ਅਭਿਆਨ ਚਲਾ ਕੇ ਮੌਕੇ ’ਤੇ 200 ਲੀਟਰ ਨਜਾਇਜ਼ ਸ਼ਰਾਬ, 10 ਹਜ਼ਾਰ ਲੀਟਰ ਲਾਹਣ ਅਤੇ 2 ਚਾਲੂ ਭੱਠੀਆਂ ਬਰਾਮਦ ਕੀਤੀਆਂ ਗਈਆਂ ਤੇ ਮੌਕੇ ’ਤੇ ਲਾਹਣ ਨਸ਼ਟ ਕੀਤਾ ਗਿਆ। ਇਸ ਸਬੰਧੀ ਮੁਕੱਦਮਾ ਨੰਬਰ 71 ਧਾਰਾ 61/1/14 ਐਕਸਾਈਜ਼ ਐਕਟ ਤਹਿਤ ਥਾਣਾ ਮਹਿਤਪੁਰ ’ਚ ਦਰਜ ਕੀਤਾ ਗਿਆ।