ਫੈਡਰਰ ਨੇ ਸੱਟ ਕਾਰਨ ਕੁਆਰਟਰ ਫਾਈਨਲ ਤੋਂ ਪਹਿਲਾਂ ਹਟਣ ਦਾ ਫ਼ੈਸਲਾ ਲਿਆ

ਦੁਨੀਆਂ ਦੇ ਤੀਜੇ ਨੰਬਰ ਦੇ ਖਿਡਾਰੀ ਰੋਜਰ ਫੈਡਰਰ ਨੇ ਸੱਜੇ ਪੈਰ ਦੀ ਸੱਟ ਕਾਰਨ ਅੱਜ ਕੁਆਰਟਰ ਫਾਈਨਲ ਮੈਚ ਤੋਂ ਪਹਿਲਾਂ ਇਟੈਲੀਅਨ ਓਪਨ ਤੋਂ ਹਟਣ ਦਾ ਫ਼ੈਸਲਾ ਲਿਆ।ਚਾਰ ਰੋਮ ਦੇ ਫਾਈਨਲ ’ਚ ਪਹੁੰਚਣ ਵਾਲੇ ਫੈਡਰਰ ਨੂੰ ਸੈਮੀ ਫਾਈਨਲ ’ਚ ਜਗ੍ਹਾ ਬਣਾਉਣ ਲਈ ਯੂਨਾਨ ਦੇ ਅੱਠਵੇਂ ਦਰਜਾ ਸਟੈਫਾਨੋਸ ਸਿਟਸਿਪਾਸ ਨਾਲ ਭਿੜਨਾ ਸੀ। ਸਵਿਟਜ਼ਰਲੈਂਡ ਦਾ 20 ਵਾਰ ਦਾ ਗਰੈਂਡਸਲੇਮ ਜੇਤੂ 2015 ਤੋਂ ਬਾਅਦ ਪਹਿਲੀ ਵਾਰ ਫਰੈਂਚ ਓਪਨ ਦੀਆਂ ਤਿਆਰੀਆਂ ਲਈ ਰੋਮ ਵਿੱਚ ਖੇਡ ਰਿਹ ਸੀ। ਉਸ ਨੇ ਕਿਹਾ ਕਿ ਉਹ ਨਿਰਾਸ਼ ਹੈ ਕਿ ਉਹ ਅੱਜ ਮੁਕਾਬਲੇ ਵਿਚ ਭਾਗ ਨਹੀਂ ਲੈ ਸਕਿਆ। ਫੈਡਰਰ ਨੇ ਕਿਹਾ ਕਿ ਉਹ ਸਰੀਰਕ ਤੌਰ ’ਤੇ ਸੌ ਫ਼ੀਸਦੀ ਫਿੱਟ ਨਹੀਂ ਹੈ ਅਤੇ ਆਪਣੀ ਟੀਮ ਤੋਂ ਸਲਾਹ-ਮਸ਼ਵਰਾ ਕਰਨ ਤੋਂ ਬਾਅਦ ਉਸ ਨੇ ਨਾ ਖੇਡਣ ਦਾ ਫ਼ੈਸਲਾ ਲਿਆ ਹੈ। ਹੁਣ ਫਾਈਨਲ ਵਿੱਚ ਜਗ੍ਹਾ ਬਣਾਉਣ ਲਈ ਸਿਟਸਿਪਾਸ ਦਾ ਸਾਹਮਣਾ ਪਿਛਲੇ ਚੈਂਪੀਅਨ ਰਾਫ਼ਾਲ ਨਡਾਲ ਅਤੇ ਫਰਨਾਂਡੋ ਵਰਡਾਸਕੋ ਵਿਚਾਲੇ ਹੋਣ ਵਾਲੇ ਮੁਕਾਬਲੇ ਦੇ ਜੇਤੂ ਨਲ ਹੋਵੇਗਾ। ਉੱਧਰ, ਦੁਨੀਆਂ ਦੀ ਨੰਬਰ ਇਕ ਖਿਡਾਰਨ ਨਾਓਮੀ ਓਸਾਕਾ ਨੇ ਕਿਹਾ ਕਿ ਫਰੈਂਚ ਓਪਨ ਦੇ ਸ਼ੁਰੂ ਹੋਣ ਤੋਂ ਪਹਿਲਾਂ ਸੱਟ ਕਾਰਨ ਲੰਘੇ ਦਿਨੀਂ ਸੱਟ ਕਾਰਨ ਇਟੈਲੀਅਨ ਓਪਨ ਦੇ ਕੁਆਰਟਰ ਫਾਈਨਲ ਤੋਂ ਹਟਣ ਕਾਰਨ ਉਹ ‘ਦੁੱਖੀ ਤੇ ਨਿਰਾਸ਼’ ਹੈ।