ਅਮਰੀਕਾ ਤੂਫਾਨ ਕਾਰਨ ਕਈ ਉਡਾਣਾਂ ਰੱਦ, ਲੋਕ ਪਰੇਸ਼ਾਨ

ਵਾਸ਼ਿੰਗਟਨ – ਅਮਰੀਕਾ ਦੇ ਮੱਧ ਭਾਗ ਵਿਚ ਸਰਦੀਆਂ ਵਿਚ ਆਉਣ ਵਾਲੇ ਇਕ ਸ਼ਕਤੀਸ਼ਾਲੀ ਤੂਫਾਨ ਦੇ ਲੰਘਣ ਕਾਰਨ ਲੋਕਾਂ ਨੂੰ ਕਾਫੀ ਪਰੇਸ਼ਾਨੀ ਹੋ ਰਹੀ ਹੈ| ਦੇਸ਼ ਭਰ ਵਿਚ ਸੈਂਕੜੇ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਅਤੇ ਹਜ਼ਾਰਾਂ ਉਡਾਣਾਂ ਵਿਚ ਦੇਰੀ ਹੋਈ| ਇਸ ਨਾਲ ਕ੍ਰਿਸਮਸ ਦੀਆਂ ਛੁੱਟੀਆਂ ਮਨਾ ਰਹੇ ਯਾਤਰੀ ਪਰੇਸ਼ਾਨ ਹੋਏ| ਉਡਾਣਾਂ ਦੀ ਨਿਗਰਾਨੀ ਰੱਖਣ ਵਾਲੀ ਵੈਬਸਾਈਟ ਫਲਾਈਟਅਵੇਯਰ ਮੁਤਾਬਕ 6,500 ਤੋਂ ਵੱਧ ਉਡਾਣਾਂ ਵਿਚ ਦੇਰੀ ਹੋਈ ਅਤੇ ਕਰੀਬ 800 ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ| ਦੇਸ਼ ਦੇ ਉੱਤਰੀ ਅਤੇ ਮੱਧ ਮੈਦਾਨੀ ਭਾਗਾਂ ਵਿਚ ਮੀਂਹ, ਬਰਫਬਾਰੀ ਅਤੇ ਤੇਜ਼ ਹਵਾਵਾਂ ਕਾਰਨ ਵੀ ਸੜਕ ਮਾਰਗ ਰਾਹੀ ਯਾਤਰਾ ਕਰਨਾ ਖਤਰਨਾਕ ਸਾਬਤ ਹੋ ਰਿਹਾ ਹੈ| ਕੁਝ ਇਲਾਕਿਆਂ ਵਿਚ ਅੱਜ ਤੂਫਾਨ ਦੇ ਕਮਜ਼ੋਰ ਪੈਣ ਤੋਂ ਪਹਿਲਾਂ ਇਕ ਫੁੱਟ ਤੋਂ ਵੱਧ ਦੀ ਬਰਫ ਦੇਖੀ ਗਈ| ਅਧਿਕਾਰੀਆਂ ਨੇ ਨੇਬਾਰਸਕਾ ਦੇ ਕੁਝ ਹਿੱਸਿਆਂ ਵਿਚ ਰੋਸ਼ਨੀ ਬਹੁਤ ਘੱਟ ਹੋਣ ਦੀ ਜਾਣਕਾਰੀ ਦਿੱਤੀ ਅਤੇ ਇਕ ਕੌਮਾਂਤਰੀ ਸੜਕ ਨੂੰ ਬੰਦ ਕਰ ਦਿੱਤਾ| ਨੌਰਥ ਡਕੋਟਾ ਨੇ ਸੂਬੇ ਦੇ ਪੂਰਬੀ ਹਿੱਸੇ ਦੀ ਯਾਤਰਾ ਨਾ ਕਰਨ ਦੀ ਸਲਾਹ ਦਿੱਤੀ ਹੈ| ਮੌਸਮ ਅਜਿਹੇ ਸਮੇਂ ਵਿਚ ਖਰਾਬ ਹੋਇਆ ਹੈ ਜਦੋਂ ਕਈ ਅਮਰੀਕੀ ਨਾਗਰਿਕ ਕ੍ਰਿਸਮਸ ਦੀਆਂ ਛੁੱਟੀਆਂ ਲਈ ਯਾਤਰਾ ਕਰ ਰਹੇ ਹਨ| ਇਸ ਜਗ੍ਹਾ ਤੇ ਫਸੇ ਯਾਤਰੀ ਡੇਨਿਸ ਨਾਇਟ ਨੇ ਕਿਹਾ,”ਸਾਡੀਆਂ ਕ੍ਰਿਸਮਸ ਦੀਆਂ ਛੁੱਟੀਆਂ ਬਰਬਾਦ ਹੋ ਗਈਆਂ|”