ਅਮਰੀਕੀ ਚੋਣਾਂ : ਵਿਵਾਦਤ ਬਿਆਨ ਦੇ ਬਾਵਜੂਦ ਜਿੱਤ ਵੱਲ ਵਧੀ ਰਿਪਬਿਲਕਨ ਉਮੀਦਵਾਰ

ਵਾਸ਼ਿੰਗਟਨ – ਅਮਰੀਕੀ ਕਾਂਗਰਸ ਚੋਣਾਂ ‘ਚ ਮਿਸੀਸਿਪੀ ਤੋਂ ਰਿਪਬਿਲਕਨ ਪਾਰਟੀ ਦੀ ਉਮੀਦਵਾਰ ਸਿੰਡੀ ਸਮਿਥ ਨੂੰ ਅਸੰਵੇਦਨਸ਼ੀਲ ਨਸਲੀ ਬਿਆਨ ਦੇਣ ਲਈ ਚੁੱਕੇ ਵਿਵਾਦ ਦੇ ਬਾਵਜੂਦ ਜਿੱਤ ਮਿਲਦੀ ਦਿੱਖ ਰਹੀ ਹੈ। ਫਾਕਸ ਨਿਊਜ਼ ਅਤੇ ਐਨ. ਬੀ. ਸੀ. ਮੁਤਾਬਕ ਮੌਜੂਦਾ ਸੈਨੇਟਰ ਸਿੰਡੀ ਡੈਮੋਕ੍ਰੇਟਿਕ ਪਾਰਟੀ ਦੇ ਉਮੀਦਾਰ ਮਾਇਕ ਐਸਪਾਈ ਖਿਲਾਫ ਵੋਟਾਂ ਤੋਂ ਕਾਫੀ ਅੱਗੇ ਹੈ। ਉਨ੍ਹਾਂ ਨੂੰ 55.2 ਫੀਸਦੀ ਜਦਕਿ ਵਿਰੋਧੀ ਐਸਪਾਈ ਨੂੰ 44.8 ਫੀਸਦੀ ਵੋਟਾਂ ਮਿਲੀਆਂ ਹਨ। ਸਿੰਡੀ ਹਾਇਡੇ ਸਮਿਥ ਦੀ ਜਿੱਤ ਹੋਣ ‘ਤੇ ਫਰਵਰੀ ‘ਚ ਕਾਂਗਰਸ ‘ਚ ਰਿਪਬਲਿਕਨ ਪਾਰਟੀ ਦਾ ਬਹੁਮਤ ਹੋਰ ਮਜ਼ਬੂਤ ਹੋ ਸਕਦਾ ਹੈ। ਸਿੰਡੀ ਨੂੰ ਵਧਾਈ ਦਿੰਦੇ ਹੋਏ ਟਰੰਪ ਨੇ ਟਵੀਟ ਕੀਤਾ, ਸਾਨੂੰ ਤੁਹਾਡੇ ‘ਤੇ ਮਾਣ ਹੈ। ਟਰੰਪ ਨੇ ਸਿੰਡੀ ਦੇ ਪ੍ਰਚਾਰ ਅਭਿਆਨ ਦੌਰਾਨ ਮਿਸੀਸਿਪੀ ‘ਚ 2 ਰੈਲੀਆਂ ਕੀਤੀਆਂ ਸਨ। ਆਪਣੀ ਜਿੱਤ ‘ਤੇ ਸਿੰਡੀ ਨੇ ਵੀ ਆਪਣੇ ਸਮਰਥਕਾਂ ਦਾ ਧੰਨਵਾਦ ਅਦਾ ਕੀਤਾ।