ਅਲਾਸਕਾ ਏਅਰ ਕੈਰੀਅਰ ਵਲੋਂ ਜਹਾਜ਼ਾਂ ਦਾ ਸੰਚਾਲਨ ਬੰਦ

ਵਾਸ਼ਿੰਗਟਨ – ਇਕ ਹਫਤੇ ਵਿਚ ਲਗਾਤਾਰ ਦੋ ਭਿਆਨਕ ਜਹਾਜ਼ ਹਾਦਸਿਆਂ ਦੇ ਬਾਅਦ ਅਲਾਸਕਾ ਏਅਰ ਕੈਰੀਅਰ ਨੇ ਸਵੈ-ਇੱਛਾ ਨਾਲ ਆਪਣੇ ਸੰਚਾਲਨ ਨੂੰ ਮੁਅੱਤਲ ਕਰ ਦਿੱਤਾ| ਫੈਡਰਲ ਐਵੀਏਸ਼ਨ ਐਡਮਿਨਿਸਟ੍ਰੇਸ਼ਨ ਮੁਤਾਬਕ ਟਕਸਨ ਏਅਰ ਵੱਲੋਂ ਸੰਚਾਲਿਤ ਇਕ ਇੰਜਣ ਵਾਲਾ ਬੇਵਰ ਫਲੋਟਪਲੇਨ ਮੇਟਲਾਕਟਲਾ ਹਾਰਬਰ ਤੇ ਹਾਦਸੇ ਦਾ ਸ਼ਿਕਾਰ ਹੋ ਗਿਆ| ਹਾਦਸੇ ਵਿਚ ਇਕ ਯਾਤਰੀ ਅਤੇ ਪਾਇਲਟ ਦੀ ਮੌਤ ਹੋ ਗਈ, ਜਿਸ ਦੇ ਬਾਅਦ ਸੰਚਾਲਨ ਨੂੰ ਮੁਅੱਤਲ ਕਰਨ ਦਾ ਫੈਸਲਾ ਲਿਆ ਗਿਆ| ਹਾਦਸੇ ਵਿੱਚ ਜਾਨ ਗਵਾਉਣ ਵਾਲੇ ਯਾਤਰੀ ਦੀ ਪਛਾਣ ਕੈਲੀਫੋਰਨੀਰਆ ਦੇ ਰਹਿਣ ਵਾਲੇ ਸਾਰਾ ਲੂਨਾ ਦੇ ਰੂਪ ਵਿਚ ਹੋਈ|ਚਸ਼ਮਦੀਦਾਂ ਨੇ ਜਾਂਚ ਕਰਤਾਵਾਂ ਨੂੰ ਦੱਸਿਆ ਕਿ ਲੈਂਡਿੰਗ ਦੌਰਾਨ ਜਹਾਜ਼ ਦਾ ਇਕ ਪੱਖਾ ਪਾਣੀ ਨਾਲ ਟਕਰਾ ਗਿਆ, ਜਿਸ ਕਾਰਨ ਇਹ ਹਾਦਸਾ ਵਾਪਰਿਆ| ਅਲਾਸਕਾ ਵਿੱਚ ਰਾਸ਼ਟਰੀ ਆਵਾਜਾਈ ਸੁਰੱਖਿਆ ਬੋਰਡ ਦੇ ਪ੍ਰਮੁੱਖ ਕਲਿੰਟ ਜੌਨਸਨ ਨੇ ਕਿਹਾ ਕਿ ਹਾਦਸੇ ਦੇ ਬਾਅਦ ਜਹਾਜ਼ ਪਾਣੀ ਵਿਚ ਡੁੱਬਣ ਲੱਗਾ| ਉਨ੍ਹਾਂ ਨੇ ਕਿਹਾ ਕਿ ਐਨ.ਟੀ.ਐਸ.ਬੀ. ਦੇ ਜਾਂਚ ਕਰਤਾ ਦੱਖਣ-ਪੂਰਬ ਅਲਾਸਕਾ ਲਈ ਰਵਾਨਾ ਹੋ ਗਏ ਹਨ| ਕਲਿੰਟ ਜੌਨਸਨ ਨੇ ਦੱਸਿਆ ਕਿ ਜਹਾਜ਼ ਵਿੱਚ ਕਾਰਗੋ ਦਾ ਭਾਰ ਵੀ ਸੀ ਅਤੇ ਲੈਂਡਿੰਗ ਦੇ ਬਾਅਦ ਜਹਾਜ਼ ਹੋਰ ਯਾਤਰੀਆਂ ਨੂੰ ਸਵਾਰ ਕਰਨ ਵਾਲਾ ਸੀ|ਬਿਆਨ ਵਿਚ ਟੈਕਸਨ ਏਅਰ ਨੇ ਪੁਸ਼ਟੀ ਕੀਤੀ ਕਿ ਉਸ ਨੇ ਆਪਣੇ ਸਾਰੇ ਕੰਮਾਂ ਨੂੰ ਮੁਅੱਤਲ ਕਰ ਦਿੱਤਾ ਹੈ| ਕੰਪਨੀ ਨੇ ਕਿਹਾ ਕਿ ਸੋਮਵਾਰ ਅਤੇ ਪਿਛਲੇ ਹਫਤੇ ਹੋਏ ਹਾਦਸੇ, ਜਿਸ ਵਿਚ 6 ਲੋਕਾਂ ਦੀ ਮੌਤ ਹੋ ਗਈ ਸੀ ਉਹ ਕਾਫੀ ਭਿਆਨਕ ਸੀ| ਸਾਡੀ ਤਰਜੀਹ ਸਾਡੇ ਯਾਤਰੀਆਂ ਅਤੇ ਉਨਾਂ ਦੇ ਪਰਿਵਾਰ ਦੀ ਸੁਰੱਖਿਆ ਹੈ|