ਈਰਾਨ ‘ਚ ਭ੍ਰਿਸ਼ਟਾਚਾਰ ਦੇ ਦੋਸ਼ ‘ਚ 67 ਗ੍ਰਿਫਤਾਰ

ਤਿਹਰਾਨ— ਈਰਾਨ ਦੀ ਨਿਆਂਪਾਲਿਕਾ ਨੇ ਦੱਸਿਆ ਕਿ ਭ੍ਰਿਸ਼ਟਾਚਾਰ ਖ੍ਰਾਫ ਕੀਤੀ ਗਈ ਕਾਰਵਾਈ ‘ਚ 67 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਸ ਕਾਰਵਾਈ ਦੀ ਮਨਜ਼ੂਰੀ ਦੇਸ਼ ਦੇ ਚੋਟੀ ਦੇ ਨੇਤਾ ਆਯਾਤੁੱਲਾ ਅਲੀ ਖਮੇਨੀ ਨੇ ਦਿੱਤੀ ਹੈ। ਨਿਆਂਪਾਲਿਕਾ ਨਾਲ ਜੁੜੀ ਹੋਈ ਮਿਜਾਨ ਸਮਾਚਾਰ ਏਜੰਸੀ ਮੁਤਾਬਕ ਬੁਲਾਰਾ ਗੁਲਾਮ ਹੁਸੈਨ ਮੋਹਸੇਨੀ ਏਜੇਈ ਨੇ ਦੱਸਿਆ ਕਿ 100 ਤੋਂ ਜ਼ਿਆਦਾ ਸਰਕਾਰੀ ਕਰਮਚਾਰੀਆਂ ਨੂੰ ਦੇਸ਼ ਛੱਡਣ ‘ਤੇ ਪਾਬੰਦੀ ਲਗਾ ਦਿੱਤੀ ਗਈ ਹੈ। ਏਜੇਈ ਨੇ ਕਿਹਾ, ‘ਸਾਡੇ ਦੁਸ਼ਮਣ ਅਮਰੀਕਾ ਨੇ ਲੋਕਾਂ ‘ਤੇ ਦਬਾਅ ਪਾਉਣ ਦਾ ਫੈਸਲਾ ਕੀਤਾ ਹੈ ਤੇ ਉਸ ਦਾ ਇਰਾਦਾ ਸਾਡੀ ਅਰਥ ਵਿਵਸਥਾ ‘ਤੇ ਦਬਾਅ ਪਾਉਣ ਦਾ ਹੈ ਪਰ ਇਸ ਨਾਲ ਉਸ ਨੂੰ ਕੁਝ ਹਾਸਲ ਨਹੀਂ ਹੋ ਸਕੇਗਾ।’ ਉਨ੍ਹਾਂ ਕਿਹਾ, ‘ਅਜਿਹੇ ਲੋਕ ਹਨ ਜੋ ਇਸ ਮੌਕੇ ਦਾ ਫਾਇਦਾ ਚੁੱਕਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਤੇ ਜ਼ਰੂਰੀ ਵਸਤੂਆਂ ਨੂੰ ਦਬਾਅ ਕੇ ਇਸ ਦੀ ਤਸਕਰੀ ਦੇ ਜ਼ਰੀਏ ਲੋਕਾਂ ‘ਤੇ ਦਬਾਅ ਪਾ ਰਹੇ ਹਨ।’