ਕੋਹਲੀ ਲਈ ਪਹਿਲੀਆਂ 20 ਦੌੜਾਂ ਕਾਫੀ ਅਹਿਮ: ਰਾਜਪੂਤ

ਮੁੰਬਈ – ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕੋਚ ਲਾਲਚੰਦ ਰਾਜਪੂਤ ਦਾ ਮੰਨਣਾ ਹੈ ਕਿ ਕਪਤਾਨ ਵਿਰਾਟ ਕੋਹਲੀ ਲਈ ਇੰਗਲੈਂਡ ਖ਼ਿਲਾਫ਼ ਬਰਮਿੰਘਮ ਵਿੱਚ ਪਹਿਲੇ ਟੈਸਟ ਦੌਰ ਦੇ ਸ਼ੁਰੂ ਵਿੱਚ 20 ਦੌੜਾਂ ਕਾਫ਼ੀ ਅਹਿਮ ਹੋਣਗੀਆਂ। ਰਾਜਪੂਤ ਨੇ ਕਿਹਾ, ‘‘ਵਿਰਾਟ ਕਾਫੀ ਹਮਲਾਵਰ ਖਿਡਾਰੀ ਹੈ ਅਤੇ ਉਸ ਨੂੰ ਅੱਗੇ ਵਧ ਕੇ ਟੀਮ ਦੀ ਅਗਵਾਈ ਕਰਨਾ ਪਸੰਦ ਹੈ। ਸਾਰਿਆਂ ਦੀਆਂ ਨਜ਼ਰਾਂ ਉਸ ਦੇ ਪ੍ਰਦਰਸ਼ਨ ’ਤੇ ਹੋਣਗੀਆਂ ਕਿਉਂਕਿ ਪਿਛਲਾ ਦੌਰਾ ਬਹੁਤ ਖ਼ਰਾਬ ਰਿਹਾ ਸੀ।’’ ਕੋਹਲੀ ਆਸਟਰੇਲੀਆ, ਦੱਖਣੀ ਅਫਰੀਕਾ ਅਤੇ ਘਰੇਲੂ ਮੈਚਾਂ ਦੌਰਾਨ ਦੌੜਾਂ ਬਣਾਉਣ ਵਿੱਚ ਸਫਲ ਰਿਹਾ ਹੈ, ਪਰ 2014 ਦੇ ਇੰਗਲੈਂਡ ਦੌਰੇ ਮੌਕੇ ਉਸ ਨੂੰ ਤੇਜ਼ ਗੇਂਦਬਾਜ਼ਾਂ ਖ਼ਾਸ ਕਰਕੇ ਐਂਡਰਸਨ ਨੇ ਕਾਫ਼ੀ ਪ੍ਰੇਸ਼ਾਨ ਕੀਤਾ ਸੀ।