ਖਿਡਾਰੀਆਂ ਦੇ ਜੀਵਨ ’ਤੇ ਫਿਲਮਾਂ ਬਣਨੀਆਂ ਚੰਗਾ ਸੰਕੇਤ: ਕਪਿਲ ਦੇਵ

ਨਵੀਂ ਦਿੱਲੀ – ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਕਪਿਲ ਦੇਵ ਨੇ ਕਿਹਾ ਹੈ ਕਿ ਨਾਮੀ ਖਿਡਾਰੀਆਂ ਦੇ ਜੀਵਨ ’ਤੇ ਫਿਲਮਾਂ ਬਣਨੀਆਂ ਚੰਗਾ ਸੰਕੇਤ ਹੈ ਕਿਉਂਕਿ ਦੋ ਦਹਾਕੇ ਪਹਿਲਾਂ ਮੁਲਕ ’ਚ ਖਿਡਾਰੀਆਂ ’ਤੇ ਫਿਲਮਾਂ ਬਣਾਉਣ ਲਈ ਕੋਈ ਤਿਆਰ ਨਹੀਂ ਸੀ। ਪਿਛਲੇ ਕੁਝ ਸਮੇਂ ਦੌਰਾਨ ਬੌਲੀਵੁੱਡ ’ਚ ਖਿਡਾਰੀਆਂ ’ਤੇ ਆਧਾਰਿਤ ‘ਮੇਰੀਕੌਮ’, ‘ਐਮ ਐਸ ਧੋਨੀ: ਦਿ ਅਨਟੋਲਡ ਸਟੋਰੀ’, ‘ਭਾਗ ਮਿਲਖਾ ਭਾਗ’, ‘ਦੰਗਲ’ ਅਤੇ ‘ਸਚਿਨ: ਏ ਬਿਲੀਅਨ ਡਰੀਮਜ਼’ ਆਦਿ ਫਿਲਮਾਂ ਬਣ ਚੁਕੀਆਂ ਹਨ। ਹਰਫਨਮੌਲਾ ਖਿਡਾਰੀ ਰਹੇ ਕਪਿਲ ਦੇਵ ਇਸ ਸਮੇਂ ਫਿਲਮ ‘83’ ਲਈ ਰਣਵੀਰ ਸਿੰਘ ਨੂੰ ਤਿਆਰ ਕਰ ਰਹੇ ਹਨ ਜੋ ਫਿਲਮ ’ਚ ਉਨ੍ਹਾਂ ਦੀ ਭੂਮਿਕਾ ਨਿਭਾ ਰਿਹਾ ਹੈ।