ਗੋਆ ਵਿੱਚ 4 ਨਵੇਂ ਚੁਣੇ ਵਿਧਾਇਕਾਂ ਨੇ ਚੁੱਕੀ ਸਹੁੰ

ਪਣਜੀ – ਹਾਲ ਹੀ ਗੋਆ ਵਿੱਚ ਹੋਈਆਂ ਵਿਧਾਨ ਸਭਾ ਉਪ ਚੋਣਾਂ ਵਿੱਚ ਦੌਰਾਨ ਜਿੱਤ ਹਾਸਲ ਕਰਨ ਵਾਲੇ 4 ਨਵੇਂ ਚੁਣੇ ਵਿਧਾਇਕਾਂ ਨੇ ਅੱਜ ਸੂਬਾ ਸਕੱਤਰੇਤ ਵਿੱਚ ਸਹੁੰਚੁਕੀ| ਕਾਂਗਰਸ ਦੇ ਅਟਾਨਾਸਿਓ ਮੋਨਸੇਰੇਟ ਅਤੇ ਭਾਜਪਾ ਦੇ ਸੁਭਾਸ਼ ਸ਼ਿਰੋਡਕਰ, ਦਇਆਨੰਦ ਸੋਪਤੇ ਅਤੇ ਜੋਸ਼ੂਆ ਡਿਸੂਜਾ ਚੁਣੇ ਗਏ ਹਨ| ਗੋਆ ਵਿੱਚ ਉਪ ਚੋਣਾਂ ਦੋ ਪੜਾਆਂ ਵਿੱਚ 23 ਅਪ੍ਰੈਲ ਅਤੇ 19 ਮਈ ਨੂੰ ਹੋਈਆਂ ਸਨ| ਇਨ੍ਹਾਂ ਵਿਧਾਇਕਾਂ ਦੇ ਚੁਣੇ ਜਾਣ ਨਾਲ ਗੋਆ ਵਿਧਾਨ ਸਭਾ ਵਿੱਚ ਫਿਰ ਤੋਂ ਵਿਧਾਇਕਾਂ ਦੀ ਗਿਣਤੀ 40 ਹੋ ਗਈ ਹੈ| ਸੱਤਾਧਾਰੀ ਭਾਜਪਾ ਦੇ ਵਰਤਮਾਨ ਵਿੱਚ 17 ਵਿਧਾਇਕ ਹਨ ਅਤੇ ਇਸ ਨੂੰ ਗੋਆ ਫਾਰਵਰਡ ਦੇ 3 ਵਿਧਾਇਕਾਂ, 3 ਆਜ਼ਾਦ ਅਤੇ ਮਹਾਰਾਸ਼ਟਰਵਾਦੀ ਗੋਮੰਤਕ ਪਾਰਟੀ ਦੇ ਇੱਕ ਵਿਧਾਇਕ ਦਾ ਸਮਰਥਨ ਪ੍ਰਾਪਤ ਹੈ|