ਝੂਲਨ 300 ਵਿਕਟਾਂ ਲੈਣ ਵਾਲੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣੀ

ਭਾਰਤੀ ਤੇਜ਼ ਗੇਂਦਬਾਜ਼ ਝੂਲਨ ਗੋਸਵਾਮੀ 300 ਇੰਟਰਨੈਸ਼ਨਲ ਵਿਕਟਾਂ ਲੈਣ ਵਾਲੀ ਪਹਿਲੀ ਮਹਿਲਾ ਕ੍ਰਿਕਟਰ ਬਣ ਗਈ ਹੈ। ਝੂਲਨ ਦੇ ਨਾਂ ਵਨ ਡੇ, ਟੈਸਟ ਤੇ ਟੀ-20 ਕ੍ਰਿਕਟ ਵਿਚ ਕੁਲ ਮਿਲਾ ਕੇ 301 ਵਿਕਟਾਂ ਦਰਜ ਹੋ ਗਈਆਂ ਹਨ। ਬੀਤੇ ਮਹੀਨੇ ਟੀ-20 ਕ੍ਰਿਕਟ ਤੋਂ ਸੰਨਿਆਸ ਲੈਣ ਵਾਲੀ ਝੂਲਨ ਗੋਸਵਾਮੀ ਤੋਂ ਬਾਅਦ ਰਿਕਾਰਡ ਦੀ ਇਸ ਲਿਸਟ ‘ਚ ਵੈਸਟਇੰਡੀਜ਼ ਦੀ ਗੇਂਦਬਾਜ਼ ਅਨਿਸਾ ਮੁਹੰਮਦ ਦਾ ਨਾਂ ਆਉਂਦਾ ਹੈ, ਜਿਹੜੀ 252 ਵਿਕਟਾਂ ਲੈ ਚੁੱਕੀ ਹੈ। ਇਸ ਤੋਂ ਬਾਅਦ ਆਸਟਰੇਲੀਆ ਦੀ ਐਲਿਸ ਪੇਰੀ (244), ਕੈਥਰੀਨ ਫਿਟਜਪੈਟ੍ਰਿਕ (240), ਜੈਨੀ ਗਨ (239) ਦਾ ਨਾਂ ਆਉਂਦਾ ਹੈ।