ਹਜ਼ਾਰੇ ਟਰਾਫੀ ‘ਚ ਮੁੰਬਈ ਦੀ ਕਪਤਾਨੀ ਕਰਨਗੇ ਰਹਾਣੇ

ਮੁੰਬਈ – ਇੰਗਲੈਂਡ ‘ਚ ਹਾਲ ਹੀ ਖਤਮ ਹੋਈ 5 ਟੈਸਟ ਮੈਚਾਂ ਦੀ ਸੀਰੀਜ਼ ‘ਚ ਬੱਲੇਬਾਜ਼ੀ ‘ਚ ਨਾਕਾਮ ਰਹੇ ਅਜਿੰਕਿਆ ਰਹਾਣੇ ਨੂੰ ਬੁੱਧਵਾਰ ਵਿਜੇ ਹਜ਼ਾਰੇ ਟਰਾਫੀ ਦੇ ਸੀਮਿਤ ਓਵਰ ਕ੍ਰਿਕਟ ਟੂਰਨਾਮੈਂਟ ਲਈ ਮੁੰਬਈ ਦੀ ਕਪਤਾਨੀ ਲਈ ਚੁਣਿਆ ਗਿਆ ਹੈ। ਮੁੰਬਈ ਦੀ ਟੀਮ ਏਲੀਟ ਗਰੁੱਪ-ਏ ‘ਚ ਸ਼ਾਮਲ ਹੈ, ਜੋ ਇਸ 50 ਓਵਰ ਦੇ ਟੂਰਨਾਮੈਂਟ ‘ਚ ਆਪਣੇ ਮੁਕਾਬਲੇ ਦੀ ਸ਼ੁਰੂਆਤ ਬੜੌਦਾ ਖਿਲਾਫ ਕਰੇਗੀ। ਮੁੰਬਈ ਕ੍ਰਿਕਟ ਸੰਘ ਦੇ ਬੱਲੇਬਾਜ਼ ਸ਼੍ਰੇਅਸ ਆਈਅਰ ਟੀਮ ਦੇ ਉਪ ਕਪਤਾਨ ਹੋਣਗੇ। ਰਹਾਣੇ ਵੀ ਏਸ਼ੀਆ ਕੱਪ ਟੀਮ ‘ਚ ਜਗ੍ਹਾਂ ਨਹੀਂ ਬਣਾ ਸਕੇ , ਜਿਸ ‘ਚ ਭਾਰਤੀ ਟੀਮ ਦੀ ਕਪਤਾਨੀ ਮੁੰਬਈ ਦੇ ਇਕ ਹੋਰ ਖਿਡਾਰੀ ਰੋਹਿਤ ਸ਼ਰਮਾ ਕਰ ਰਹੇ ਹਨ। ਯੁਵਾ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਅ ਵੀ ਟੀਮ ਦਾ ਹਿੱਸਾ ਹੈ। ਮੁੰਬਈ ਨੂੰ ਲੀਗ ਚਰਣ ਦੇ ਮੈਚਾਂ ‘ਚ ਬੜੌਦਾ, ਕਰਨਾਟਕ, ਰੇਲਵੇ, ਵਿਦਰਭ, ਪੰਜਾਬ, ਹਿਮਾਚਲ ਪ੍ਰਦੇਸ਼, ਗੋਆ ਤੇ ਮਹਾਰਾਸ਼ਟਰ ਦੇ ਨਾਲ ਰੱਖਿਆ ਗਿਆ ਹੈ।