ਟੈਸਟ ‘ਚ ਓਪਨਿੰਗ ਲਈ ਹੁਣ ਰੋਹਿਤ ਨੇ ਪੇਸ਼ ਕੀਤੀ ਦਾਅਵੇਦਾਰੀ

ਮੁੰਬਈ – ਇੰਗਲੈਂਡ ‘ਚ ਜਦੋਂ ਭਾਰਤੀ ਟੀਮ ਸਲਾਮੀ ਬੱਲਾਬਾਜ਼ਾਂ ਦੀ ਅਸਫਲਤਾ ਕਾਰਨ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰ ਰਹੀ ਹੈ। ਇਸ ਤਰ੍ਹਾਂ ਭਾਰਤੀ ਸਟਾਰ ਤੇ ਵਨ ਡੇ ਕ੍ਰਿਕਟ ‘ਚ 3 ਦੋਹਰੇ ਸੈਂਕੜੇ ਲਗਾਉਣ ਵਾਲੇ ਰੋਹਿਤ ਸ਼ਰਮਾ ਨੇ ਖੁਦ ਨੂੰ ਟੈਸਟ ਓਪਨਰ ਦੇ ਤੌਰ ‘ਤੇ ਬਤੌਰ ਦਾਅਵੇਦਾਰ ਪੇਸ਼ ਕਰ ਦਿੱਤਾ ਹੈ। ਛੋਟੇ ਫਾਰਮੈਟਾਂ ‘ਚ ਪਾਰੀ ਦੀ ਸ਼ੁਰੂਆਤ ਨਾਲ ਰੋਹਿਤ ਨੂੰ ਕਈ ਉਚਾਈਆਂ ਤਕ ਪਹੁੰਚਾਇਆ ਹੈ। ਰੋਹਿਤ ਦਾ ਕਹਿਣਾ ਹੈ ਕਿ ਜੇਕਰ ਟੀਮ ਪ੍ਰਬੰਧਨ ਉਸਦੇ ਨਾਂ ਦਾ ਵਿਚਾਰ ਕਰਦਾ ਹੈ ਤਾਂ ਉਹ ਟੈਸਟ ਮੈਚਾਂ ‘ਚ ਵੀ ਪਾਰੀ ਦੀ ਸ਼ੁਰੂਆਤ ਕਰਨ ਲਈ ਤਿਆਰ ਹੈ। ਰੋਹਿਤ ਨੇ ਟੈਸਟ ਕ੍ਰਿਕਟ ‘ਚ 25 ਮੈਚਾਂ ‘ਚ 3 ਸੈਂਕੜੇ ਤੇ 9 ਅਰਧ ਸੈਂਕੜਿਆਂ ਨਾਲ 40 ਤੋਂ ਘੱਟ ਦੀ ਔਸਤ ਨਾਲ 1479 ਦੌੜਾਂ ਬਣਾਈਆਂ ਪਰ ਉਹ 5 ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਹਿੱਸਾ ਨਹੀਂ ਹੈ। ਲੋਕੇਸ਼ ਰਾਹੁਲ, ਸ਼ਿਖਰ ਧਵਨ ਤੇ ਮੁਰਲੀ ਵਿਜੇ ਦੀ ਸਲਾਮੀ ਤਿਕੜੀ ਨੂੰ ਇੰਗਲੈਂਡ ‘ਚ ਸਘੰਰਸ਼ ਕਰਨਾ ਪੈ ਰਿਹਾ ਹੈ ਤੇ ਰੋਹਿਤ ਸ਼ਰਮਾ ਤੋਂ ਪੁੱਛਿਆ ਗਿਆ ਕੀ ਤੁਸੀਂ ਟੈਸਟ ਕ੍ਰਿਕਟ ‘ਚ ਪਾਰੀ ਦੀ ਸ਼ੁਰੂਆਤ ਕਰਨ ਲਈ ਤਿਆਰ ਹੋ ਤਾਂ ਉਨ੍ਹਾਂ ਨੇ ਕਿਹਾ ਕਿ ਮੈਂ ਹੁਣ ਤੱਕ ਇਸ ਤਰ੍ਹਾਂ ਦੀ ਸ਼ੁਰੂਆਤ ਨਹੀਂ ਕੀਤੀ। ਟੀਮ ਪ੍ਰਬੰਧਨ ਜੋ ਵੀ ਚਾਹੁੰਦਾ ਹੈ ਮੈਂ ਉਸਦੇ ਲਈ ਤਿਆਰ ਹਾਂ। ਜਦੋਂ ਮੈਂ ਖੇਡਣਾ ਸ਼ੁਰੂ ਕੀਤਾ ਜਾ ਜਦੋਂ ਮੈਂ ਭਾਰਤ ਵਲੋਂ ਖੇਡ ਰਿਹਾ ਸੀ ਤਾਂ ਮੈਂ ਕਦੀ ਨਹੀਂ ਸੋਚਿਆ ਸੀ ਕਿ ਮੈਂ ਵਨ ਡੇ ਮੈਚਾਂ ‘ਚ ਪਾਰੀ ਦੀ ਸ਼ੁਰੂਆਤ ਕਰਾਂਗਾ। ਮੈਂ ਕਿਸੇ ਵੀ ਵਿਕਲਪ ਨੂੰ ਬੰਦ ਨਹੀਂ ਕੀਤਾ, ਇਸ ਲਈ ਜੇਕਰ ਮੌਕਾ ਮਿਲਿਆ ਤਾਂ ਮੈਂ ਇਸ ਲਈ ਤਿਆਰ ਹਾਂ।