ਦੂਜੇ ਟੈਸਟ ਮੈਚ ਚ ਦੱ. ਅਫਰੀਕਾ ਨੇ ਪਾਕਿ ਤੇ ਕੱਸਿਆ ਸ਼ਿਕੰਜਾ

ਕੇਪਟਾਓਨ – ਡੁਆਂਨੇ ਓਲਿਵੀਅਰ ਦੀ ਸ਼ਾਨਦਾਰ ਗੇਂਦਬਾਜ਼ੀ ਦੇ ਦਮ ‘ਤੇ ਦੱਖਣੀ ਅਫਰੀਕਾ ਨੇ ਦੂਜੇ ਕ੍ਰਿਕਟ ਟੈਸਟ ਦੇ ਪਹਿਲੇ ਦਿਨ ਵੀਰਵਾਰ ਨੂੰ ਪਾਕਿਸਤਾਨ ‘ਤੇ ਦਬਾਅ ਬਣਾ ਲਿਆ। ਓਲਿਵੀਅਰ ਨੇ 48 ਦੌੜਾਂ ‘ਤੇ 4 ਵਿਕਟਾਂ ਹਾਸਲ ਕੀਤੀਆਂ। ਹਰੀ ਭਰੀ ਪਿੱਚ ‘ਤੇ ਪਾਕਿਸਤਾਨੀ ਟੀਮ 177 ਦੌੜਾਂ ਬਣਾ ਕੇ ਢੇਰ ਹੋ ਗਈ। ਪਹਿਲੇ ਦਿਨ ਦਾ ਖੇਡ ਖਤਮ ਹੋਣ ਤਕ ਏਡੇਨ ਮਾਰਕਰਾਮ ਨੇ 78 ਦੌੜਾਂ ਬਣਾ ਕੇ ਦੱਖਣੀ ਅਫਰੀਕਾ ਨੂੰ 2 ਵਿਕਟਾਂ ‘ਤੇ 123 ਦੌੜਾਂ ਤਕ ਪਹੁੰਚਾ ਦਿੱਤਾ ਸੀ। ਪਹਿਲੇ ਟੈਸਟ ‘ਚ ਮੈਚ ਦੇ ਹੀਰੋ ਰਹਿਣ ਵਾਲੇ ਓਲਿਵੀਅਰ ਤੋਂ ਇਲਾਵਾ ਡੇਲ ਸਟੇਨ ਨੇ 48 ਦੌੜਾਂ ‘ਤੇ 3 ਵਿਕਟਾਂ ਹਾਸਲ ਕੀਤੀਆਂ। ਪਾਕਿਸਤਾਨ ਦੇ ਲਈ ਸਿਰਫ ਕਪਤਾਨ ਸਰਫਰਾਜ ਅਹਿਮਦ (56) ਦੌੜਾਂ ਤੇ ਸ਼ਾਨ ਮਸੂਦ (44) ਦੌੜਾਂ ਹੀ ਬਣਾ ਸਕੇ।