ਪਾਕਿ ਤੋਂ ਕੋਈ ਵਾਰੰਟ ਨਹੀਂ ਮਿਲਿਆ ਹੱਕਾਨੀ

ਵਾਸ਼ਿੰਗਟਨ – ਰਾਜ ਧਰੋਹ ਤੇ ਗਬਨ ਦੇ ਮਮਲਿਆਂ ਸਬੰਧੀ ਪਾਕਿਸਤਾਨ ਦੀ ਸੁਪਰੀਮ ਕੋਰਟ ਵਲੋਂ ਲੋੜੀਂਦੇ ਅਮਰੀਕਾ ਵਿਚ ਦੇਸ਼ ਦੇ ਸਾਬਕਾ ਰਾਜਦੂਤ ਹੁਸੈਨ ਹੱਕਾਨੀ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਅਧਿਕਾਰੀਆਂ ਕੋਲੋਂ ਜਾਂਚ ਨੂੰ ਲੈ ਕੇ ਕੋਈ ਵੀ ਵਾਰੰਟ ਨਹੀਂ ਮਿਲਿਆ। ਪਾਕਿਸਤਾਨ ਨੇ ਆਪਣੇ ਵਿਦੇਸ਼ ਮੰਤਰਾਲਾ ਰਾਹੀਂ ਹੱਕਾਨੀ ਨੂੰ ਵਤਨ ਲਿਆਉਣ ਲਈ ਪ੍ਰਕਿਰਿਆ ਸ਼ੁਰੂ ਕੀਤੀ ਹੈ। ਇੰਟਰਪੋਲ ਵਲੋਂ ਇਸ ਸਬੰਧੀ ਕੋਈ ਮਦਦ ਨਾ ਕੀਤੇ ਜਾਣ ਕਾਰਨ ਪਾਕਿ ਨੇ ਖੁਦ ਹੀ ਕਾਰਵਾਈ ਕਰਨ ਦਾ ਫੈਸਲਾ ਕੀਤਾ ਹੈ। ਹੱਕਾਨੀ ਨੂੰ ਪਾਕਿਸਤਾਨ ਦੀ ਫੌਜ ਅਤੇ ਸਿਆਸੀ ਲੀਡਰਸ਼ਿਪ ਦਾ ਪ੍ਰਮੁਖ ਆਲੋਚਕ ਮੰਨਿਆ ਜਾਂਦਾ ਹੈ।