ਪ੍ਰਮਾਣੂ ਮਾਮਲੇ ਤੇ ਟਰੰਪ ਦੀ ਈਰਾਨ ਨੂੰ ਅਲਰਟ ਰਹਿਣ ਦੀ ਸਲਾਹ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਨੂੰ ਉਸ ਦੇ ਯੂਰੇਨੀਅਮ ਐਨਰਿਚਮੈਂਟ ‘ਤੇ ਲਗਾਈ ਗਈ ਲਿਮਟ ਦੇ ਉਲੰਘਣ ਨੂੰ ਲੈ ਕੇ ਐਤਵਾਰ ਨੂੰ ਅਪੀਲ ਕੀਤੀ। ਟਰੰਪ ਨੇ ਨਿਊ ਜਰਸੀ ਦੇ ਮੌਰੀਸਟਾਊਨ ‘ਚ ਪੱਤਰਕਾਰਾਂ ਨੂੰ ਕਿਹਾ,”ਵਧੀਆ ਹੋਵੇਗਾ ਕਿ ਈਰਾਨ ਸਾਵਧਾਨ ਰਹੇ ਕਿਉਂਕਿ ਤੁਸੀਂ ਇਕ ਕਾਰਨ ਕਰਕੇ ਯੂਰੇਨੀਅਮ ਐਨਰਿਚਮੈਂਟ ਵਧਾਓਗੇ ਅਤੇ ਮੈਂ ਦੱਸਾਂਗਾ ਕਿ ਇਸ ਦਾ ਕਾਰਨ ਕੀ ਹੈ ਪਰ ਇਹ ਸਹੀ ਨਹੀਂ ਹੈ। ਵਧੀਆ ਹੋਵੇਗਾ ਉਹ ਸਾਵਧਾਨ ਰਹਿਣ।” ਟਰੰਪ ਦੇ ਉੱਚ ਡਿਪਲੋਮੈਟ ਅਤੇ ਵਿਦੇਸ਼ ਮੰਤਰੀ ਮਾਈਕ ਪੋਂਪੀਓ ਨੇ ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਕਿਹਾ ਸੀ ਕਿ ਪ੍ਰਮਾਣੂੰ ਸਮਝੌਤੇ ਤਹਿਤ ਤੈਅ ਕੀਤੀ ਗਈ ਲਿਮਟ ਦੇ ਉਲੰਘਣ ਦੇ ਜਵਾਬ ‘ਚ ਈਰਾਨ ਨੂੰ ਹੋਰ ਸਖਤ ਰੋਕਾਂ ਦਾ ਸਾਹਣਾ ਕਰਨਾ ਪਵੇਗਾ। ਇਹ ਲਿਮਟ ਉਸ ਪ੍ਰਮਾਣੂ ਸਮਝੌਤੇ ਤਹਿਤ ਤੈਅ ਕੀਤੀ ਗਈ ਸੀ ਜੋ ਕੌਮਾਂਤਰੀ ਤਾਕਤਾਂ ਤੇ ਈਰਾਨ ਵਿਚਕਾਰ ਹੋਈ ਸੀ ਪਰ ਪਿਛਲੇ ਸਾਲ ਅਮਰੀਕਾ ਦੇ ਇਸ ਤੋਂ ਬਾਹਰ ਹੋ ਜਾਣ ਦੀ ਵਜ੍ਹਾ ਕਾਰਨ ਖਤਰੇ ‘ਚ ਪੈ ਗਈ ਹੈ।