ਪ੍ਰੋ ਕਬੱਡੀ ਲੀਗ : ਤੇਲੁਗੂ ਨੂੰ ਹਰਾ ਗੁਜਰਾਤ ਪਲੇਆਫ ਚ

ਨਵੀਂ ਦਿੱਲੀ – ਪ੍ਰੋ ਕਬੱਡੀ ਲੀਗ 6ਵੇਂ ਸੀਜ਼ਨ ‘ਚ 100ਵੇਂ ਮੈਚ ‘ਚ ਗੁਜਰਾਤ ਫਾਰਚਿਊਨ ਜਾਇੰਟਸ ਨੇ ਸ਼ੁੱਕਰਵਾਰ ਤੇਲੁਗੂ ਟਾਈਟਨਸ ਨੂੰ 29-27 ਨਾਲ ਹਰਾ ਦਿੱਤਾ ਤੇ ਪਲੇਆਫ ‘ਚ ਵੀ ਸਥਾਨ ਬਣਾ ਲਿਆ ਹੈ। ਕੇ ਪ੍ਰਪੰਜਨ ਤੇ ਸਚਿਨ ਨੇ ਮਿਲ ਕੇ 19 ਅੰਕ ਹਾਸਲ ਕੀਤੇ। ਤੇਲੁਗੂ ਦੀ ਸ਼ੁਰੂਆਤ ਖਰਾਬ ਰਹੀ। ਰਾਹੁਲ ਚੌਧੀਰ ਟਾਈਟਨਸ ਦੇ ਲਈ 8 ਅੰਕ ਹਾਸਲ ਕਰ ਚੋਟੀ ‘ਤੇ ਰਹੇ ਪਰ ਟੀਮ ਗਰੁੱਪ ‘ਬੀ’ ‘ਚ ਸਭ ਤੋਂ ਹੇਠਲੇ ਸਥਾਨ ‘ਤੇ ਬਰਕਰਾਰ ਹੈ। ਪਹਿਲੇ ਹਾਫ ਤੱਕ ਗੁਜਰਾਤ ਦੀ ਟੀਮ ਨੇ 17-12 ਨਾਲ ਬੜ੍ਹਤ ਬਣਾਈ ਹੋਈ ਸੀ। ਉਸਨੇ ਆਖਰ ਤੱਕ ਆਪਣੀ ਬੜ੍ਹਤ ਬਰਕਰਾਰ ਰੱਖੀ।