ਪ੍ਰੋ ਕਬੱਡੀ ਲੀਗ 2018 : ਹਰਿਆਣਾ ‘ਤੇ ਭਾਰੀ ਪਈ ਪੁਣੇਰੀ ਦੀ ਪਲਟਨ

ਚੇਨਈ – ਪੁਣੇਰੀ ਪਲਟਨ ਨੇ ਆਲਰਾਊਂਡ ਪ੍ਰਦਰਸ਼ਨ ਕਰਦੇ ਹੋਏ ਹਰਿਆਣਾ ਸਟੀਲਰਸ ਨੂੰ ਪ੍ਰੋ ਕਬੱਡੀ ਲੀਗ ਦੇ 6ਵੇਂ ਸੀਜ਼ਨ ‘ਚ ਸੋਮਵਾਰ ਨੂੰ 34-22 ਨਾਲ ਹਰਾ ਦਿੱਤਾ। ਪੁਣੇਰੀ ਦੀ 2 ਮੈਚਾਂ ‘ਚ ਇਹ ਪਹਿਲੀ ਜਿੱਤ ਹੈ। ਪੁਣੇਰੀ ਨੇ ਰੇਡ ਨਾਲ 16 ਤੇ ਡੀਫੈਂਸ ਨਾਲ 9 ਅੰਕ ਹਾਸਲ ਕਰ ਮੁਕਾਬਲਾ ਆਪਣੇ ਪੱਖ ‘ਚ ਕਰ ਲਿਆ। ਪੁਣੇਰੀ ਨੂੰ ਆਲਆਊਟ ਨਾਲ 4 ਅੰਕ ਵੀ ਮਿਲੇ।ਹਰਿਆਣਾ ਨੇ ਰੇਡ ਨਾਲ 11 ਤੇ ਡੀਫੈਂਸ ਨਾਲ 9 ਅੰਕ ਜੋੜੇ। ਹਰਿਆਣਾ ਇਕ ਵਾਰ ਵੀ ਪੁਣੇ ਟੀਮ ਨੂੰ ਆਲਆਊਟ ਨਹੀਂ ਕਰ ਸਕਿਆ। ਪੁਣੇਰੀ ਦੇ ਲਈ ਨਿਤਿਨ ਤੋਮਰ ਨੇ 7, ਮੋਰੇ ਜੀ. ਬੀ. ਨੇ 6 ਤੇ ਦੀਪਕ ਕੁਮਾਰ ਨੇ 5 ਅੰਕ ਹਾਸਲ ਕੀਤੇ। ਹਰਿਆਣਾ ਦੇ ਲਈ ਵਿਕਾਸ ਕੰਡੋਲਾ ਨੇ ਸਭ ਤੋਂ ਜ਼ਿਆਦਾ 8 ਅੰਕ ਬਣਾਏ। ਸੁਰਿੰਦਰ ਨਾਡਾ ਨੇ 4 ਤੇ ਸੁਨੀਲ ਨੇ 3 ਅੰਕ ਬਣਾਏ।