ਰਿਸ਼ਭ ਪੰਤ ਦੇ ਆਊਟ ਹੋਣ ਨਾਲ ਮੈਚ ਦਾ ਰੁਖ਼ ਬਦਲ ਗਿਆ: ਕੋਹਲੀ

ਬ੍ਰਿਸਬਨ – ਭਾਰਤੀ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਸਟਰੇਲੀਆ ਖ਼ਿਲਾਫ਼ ਪਹਿਲੇ ਟੀ-20 ਕੌਮਾਂਤਰੀ ਮੈਚ ਨੂੰ ਚਾਰ ਦੌੜਾਂ ਨਾਲ ਗੁਆਉਣ ਮਗਰੋਂ ਅੱਜ ਕਿਹਾ ਕਿ ਨੌਜਵਾਨ ਰਿਸ਼ਭ ਪੰਤ ਦੇ ਆਊਟ ਹੋਣ ਨਾਲ ਮੈਚ ਦਾ ਰੁਖ਼ ਬਦਲ ਗਿਆ। ਪੰਤ ਅਤੇ ਦਿਨੇਸ਼ ਕਾਰਤਿਕ ਦੀ 3.5 ਓਵਰਾਂ ਵਿੱਚ 51 ਦੌੜਾਂ ਦੀ ਸਾਂਝੇਦਾਰੀ ਨਾਲ ਭਾਰਤੀ ਟੀਮ ਜਿੱਤ ਵੱਲ ਵਧ ਰਹੀ ਸੀ, ਪਰ ਇਸ ਵਿਕਟਕੀਪਰ ਬੱਲੇਬਾਜ਼ ਦੇ ਐਂਡਰਿਊ ਟਾਈ ਦੀ ਗੇਂਦ ’ਤੇ ਆਊਟ ਹੋਣ ਨਾਲ ਪੂਰੀ ਖੇਡ ਹੀ ਬਦਲ ਗਈ। ਇਨਾਮ ਵੰਡ ਸਮਾਰੋਹ ਦੌਰਾਨ ਕੋਹਲੀ ਨੇ ਕਿਹਾ, ‘‘ਅਸੀਂ ਚੰਗੀ ਸ਼ੁਰੂਆਤ ਕੀਤੀ, ਪਰ ਵਿਚਾਲੇ ਦੇ ਓਵਰਾਂ ਵਿੱਚ ਲੜਖੜਾ ਗਏ। ਆਖਿਰ ਵਿੱਚ ਸਾਨੂੰ ਲੱਗਿਆ ਕਿ ਪੰਤ ਅਤੇ ਕਾਰਤਿਕ ਜਿੱਤ ਦਿਵਾ ਦੇਣਗੇ, ਪਰ ਪੰਤ ਦੇ ਆਊਟ ਹੋਣ ਨਾਲ ਸਭ ਕੁੱਝ ਬਦਲ ਗਿਆ।’’ ਉਸ ਨੇ ਸਿਖਰ ਧਵਨ ਦੀ ਵੀ ਪ੍ਰਸ਼ੰਸਾ ਕੀਤੀ।