ਸਾਈਬਰ ਹਮਲਿਆਂ ਦੀ ਸਥਿਤੀ ‘ਚ ਜਵਾਬੀ ਕਾਰਵਾਈ ‘ਚ ਹੁਣ ਨਹੀਂ ਹੋਵੇਗੀ ਦੇਰੀ : ਬੋਲਟਨ

ਵਾਸ਼ਿੰਗਟਨ – ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਜਾਨ ਬੋਲਟਨ ਨੇ ਅਮਰੀਕਾ ਦੇ ਦੁਸ਼ਮਣਾਂ ਨੂੰ ਬੁੱਧਵਾਰ ਨੂੰ ਚਿਤਾਵਨੀ ਦਿੰਦੇ ਹੋਏ ਆਖਿਆ ਕਿ ਅਮਰੀਕਾ ਸਾਈਬਰ ਹਮਲਿਆਂ ਦਾ ਸਖਤ ਜਵਾਬ ਦੇਣ ਲਈ ਤਿਆਰ ਹੈ।ਜਾਨ ਬੋਲਟਨ ਨੇ ਕਿਹਾ ਕਿ ਪਿਛਲੇ ਸਾਲ ਪ੍ਰਸ਼ਾਸਨ ਵੱਲੋਂ ਸਾਈਬਰ ਰਣਨੀਤੀ ਜਾਰੀ ਕੀਤੇ ਜਾਣ ਤੋਂ ਪਹਿਲਾਂ ਟਰੰਪ ਨੇ ਇਕ ਖੁਫੀਆ ਸ਼ਾਸਕੀ ਆਦੇਸ਼ ਜਾਰੀ ਕੀਤਾ ਸੀ ਜਿਸ ਨੇ ਸਾਈਬਰ ਹਮਲੇ ਨਾਲ ਨਜਿੱਠਣ ਦੇ ਓਬਾਮਾ ਪ੍ਰਸ਼ਾਸਨ ਦੇ ਤਰੀਕਿਆਂ ਨੂੰ ਬਦਲ ਦਿੱਤਾ ਸੀ। ਉਨ੍ਹਾਂ ਆਖਿਆ ਕਿ ਟਰੰਪ ਨੇ ਅਜਿਹੀ ਨੀਤੀ ਬਣਾਈ ਹੈ ਜਿਸ ‘ਚ ਹੁਣ ਸਾਈਬਰ ਹਮਲਿਆਂ ਨਾਲ ਸਖਤਲ ਤਰੀਕੇ ਨਾਲ ਨਜਿੱਠਣ ‘ਚ ਦੇਰੀ ਨਹੀਂ ਹੋਵੇਗੀ।