3 ਸਾਲਾਂ ਚ ਦੂਰ ਹੋਣਗੀਆਂ ਬੋਇੰਗ 737 ਜਹਾਜ਼ ਦੀਆਂ ਕਮੀਆਂ

ਜਹਾਜ਼ ਨਿਰਮਾਤਾ ਕੰਪਨੀ ਬੋਇੰਗ ਨੇ ਆਪਣੇ ਸਭ ਤੋਂ ਮਹੱਤਵਪੂਰਣ ਜਹਾਜ਼ ਬੋਇੰਗ 737 ਮੈਕਸ ਦੀਆਂ ਕਮੀਆਂ ਨੂੰ ਦੂਰ ਕਰਨ ਲਈ ਤਿੰਨ ਸਾਲ ਤਕ ਇੰਤਜ਼ਾਰ ਕਰਨ ਦੀ ਯੋਜਨਾ ਬਣਾਈ ਹੈ। ਹਾਲ ਹੀ ‘ਚ ਬੋਇੰਗ 737 ਮੈਕਸ ਦੇ ਦੋ ਵੱਡੇ ਹਾਦਸਿਆਂ ਦੇ ਬਾਅਦ ਕੰਪਨੀ ਨੇ ਇਹ ਫੈਸਲਾ ਲਿਆ ਹੈ। ਕੰਪਨੀ ਨੇ ਦੱਸਿਆ ਕਿ ਦੋ ਮੁੱਖ ਸੰਸਦ ਮੈਂਬਰਾਂ ਵਲੋਂ ਸ਼ੁੱਕਰਵਾਰ ਨੂੰ ਕੰਪਨੀ ਦੀ ਸਮਾਂ ਸਾਰਣੀ ਦਾ ਖੁਲ੍ਹਾਸਾ ਕਰਨ ਦੇ ਬਾਅਦ 2020 ‘ਚ ਕਾਕਪਿਟ ਚਿਤਾਵਨੀ ਲਾਈਟ ਨੂੰ ਠੀਕ ਕਰਨ ਦੀ ਯੋਜਨਾ ਬਣਾਈ ਗਈ ਹੈ। ਦਰਅਸਲ, ਓਰੇਗਨ ਦੇ ਸੰਸਦ ਮੈਂਬਰ ਪੀਟਰ ਡੇਫਾਜਿਓ ਅਤੇ ਵਾਸ਼ਿੰਗਟਨ ਦੇ ਸੰਸਦ ਮੈਂਬਰ ਰਿਕ ਲਾਰਸਨ ਨੇ ਬੋਇੰਗ ਅਤੇ ਫੈਡਰਲ ਏਵੀਏਸ਼ਨ ਐਡਮਿਨਸਟ੍ਰੇਸ਼ਨ ਤੋਂ ਪੁੱਛਿਆ ਸੀ ਕਿ ਸੁਰੱਖਿਆ ਏਜੰਸੀ ਅਤੇ ਏਅਰਲਾਈਨਜ਼ ਨੂੰ ਇਹ ਦੱਸਣ ‘ਚ ਇਕ ਸਾਲ ਤੋਂ ਜ਼ਿਆਦਾ ਦਾ ਸਮਾਂ ਕਿਉਂ ਲੱਗਾ ਕਿ ਮੈਕਸ ਜੈਟਸ ਦਾ ਅਲਰਟ ਸੈਂਸਰ ਕੰਮ ਨਹੀਂ ਕਰਦਾ।ਦਰਅਸਲ ਜਹਾਜ਼ ‘ਚ ਏ. ਓ. ਏ. ਅਲਰਟ ਨਾਮਕ ਇਕ ਸੈਂਸਰ ਹੁੰਦਾ ਹੈ, ਜੋ ਸਾਹਮਣੇ ਤੋਂ ਆ ਰਹੀਆਂ ਹਵਾਵਾਂ ਕਾਰਨ ਜਹਾਜ਼ ਉੱਪਰ ਤੇ ਹੇਠਾਂ ਹੋਣ ਦੇ ਬਾਰੇ ‘ਚ ਪਾਇਲਟ ਨੂੰ ਜਾਣਕਾਰੀ ਦਿੰਦਾ ਹੈ।