ਸਵੀਡਨ ਚ ਯਮਨ ਸ਼ਾਂਤੀ ਗੱਲਬਾਤ ਚ ਹਿੱਸਾ ਲੈਣਗੇ ਗੁਤੇਰਸ

ਸੰਯੁਕਤ ਰਾਸ਼ਟਰ ਦੇ ਮਹਾਸਕੱਤਰ ਐਂਟੋਨੀਓ ਗੁਤੇਰਸ ਸਵੀਡਨ ‘ਚ ਹੋਣ ਵਾਲੀ ਯਮਨ ਸ਼ਾਂਤੀ ਗੱਲਬਾਤ ਦੇ ਆਖਰੀ ਦਿਨ ਵੀਰਵਾਰ ਨੂੰ ਇਸ ‘ਚ ਹਿੱਸਾ ਲੈਣਗੇ। ਸੰਯੁਕਤ ਰਾਸ਼ਟਰ ਨੇ ਇਸ ਦੀ ਜਾਣਕਾਰੀ ਦਿੱਤੀ ਹੈ। ਯਮਨ ਸਰਕਾਰ ਅਤੇ ਹੋਤੀ ਵਿਦਰੋਹੀਆਂ ਵਿਚਕਾਰ ਸਟਾਕਹੋਮ ਦੇ ਰਿਮਬੋ ਪਿੰਡ ‘ਚ ਸੰਯੁਕਤ ਰਾਸ਼ਟਰ ਦੀ ਵਿਚੋਲਗੀ ਵਾਲੀ ਗੱਲਬਾਤ ‘ਚ ਗੁਤਰੇਸ ਹਿੱਸਾ ਲੈਣਗੇ। ਸੰਯੁਕਤ ਰਾਸ਼ਟਰ ਨੇ ਇਕ ਬਿਆਨ ‘ਚ ਕਿਹਾ,”ਉਹ ਦੋ ਡੈਲੀਗੇਸ਼ਨਜ਼ ਨਾਲ ਬੈਠਕ ਕਰਨਗੇ ਅਤੇ ਇਸ ਦੌਰ ਦੀ ਗੱਲ ਦੇ ਆਖਰੀ ਸੈਸ਼ਨ ਨੂੰ ਸੰਬੋਧਨ ਕਰਨਗੇ।” ਜ਼ਿਕਰਯੋਗ ਹੈ ਕਿ ਸ਼ਾਂਤੀ ਵਾਰਤਾ ਦਾ ਮਕਸਦ ਯਮਨ ‘ਚ ਈਰਾਨ ਸਮਰਥਤ ਹੋਤੀ ਵਿਦਰੋਹੀਆਂ ਅਤੇ ਰਾਸ਼ਟਰਪਤੀ ਅਬੇਦਰਾਬੂ ਮੰਸੂਰ ਹਾਦੀ ਦੀ ਸਰਕਾਰ ਦੇ ਵਿਚਕਾਰ ਸੰਘਰਸ਼ ਨੂੰ ਖਤਮ ਕਰਵਾਉਣਾ ਹੈ।